1342 - Le Contrefait de Regnart

Première branche

1

[1a]

1		Je, a cest mien commencement
2		Jusques a mon definement
3		Ou moyen, devant et aprés,
4		Prie Dieu que de moy soit prés
5		Et me doint mener telle vye
6		Que je soye en sa compagnie
7		Et si me doint en bien finir
8		Ne m'en porroye plus tenir.
9		C'est ung propos, une memore
10		Dont faire voeul nouvel'Raynaud corrige en nouvele. histoire,
11		Livre commencier et finir
12		Ce que je pense a maintenir.
13		Grand piece a que g'y ay pensé,
14		Ne m'en puis estre retardé,
15		Ne n'en suis point hors de doloir

[1b]

16		Jusques Raynaud corrige en jusqu'. en aye dit mon voloir,
17		Ne mon cœur ne s'en poeult pas taire.
18		Pour ce, nouvel livre en voeul faire
19		Sans exemple, sans enseignier,
20		Sans a moy riens d'aultrui baillier,
21		Sans nul conseil, sans nulle ayeue,
22		Fors que par generale veue.
23		J'appelle veir generalment
24		Et concepvoir soubtillement,
25		Aller, vëoir, vivre et sentir,
26		Goust acquere, jurer, mentir,
27		Semblant, promesse et abstinence,
28		Conffessïon et penitance.
29		Qui cecy scet bien concepvoir
30		N'a pas perdu tout son sçavoir.

31		De Troye fu qui ce livre fist
32		Et tout le fait comprins y mist,
33		Ditta et escript de sa main.
34		Tant y pensa et soir et main.
35		Clerc fu, mais adonc laiz estoit.
36		Environ quarante ans avoit
37		Quant ceste pensee lui vint
38		Par oyseuseté qui le tint.
39		Dame Oyseuze a monlt de branches
40		Malvaisez, perileuses, franches.
41		Maint sont qui par oyseuseté
42		Sont venus a grant povreté,
43		Devenu glout, murdrier, ribaut,
44		De grant plenté a grant deffault.
45		Qui jones prent oiseuseté
46		Envis est ne chiee en vieulté.
47		Oiseuseté l'homme aneantistRaynaud corrige en l'aneantist.,
48		Tous les menbres lui afoiblist,
49		Entamist, alentist et tue,
50		Qu'il n'en poeult avoir nulle ayeue.
51		Naturelment s'i ennature
52		Que il n'a de bien faire cure,

[1c]

53		Ne ne tient a avoir nul prisMs. prie.,
54		Pour ce que pas ne l'a apris.
55		Ains a le bien mortiffïé
56		Quant d'oiseuzeté est lïé.
57		Et lors devient il controuveur,
58		Mesdisant, orguilleux, bourdeur,
59		Solefïans et metans cures
60		A effacier bonnez natures
61		Et sur les bons a controuver,
62		Tout par deffault de bien ouvrer,
63		Desirant l'autrui, envïeulx.
64		De tous maulx faire curïeulx.
65		Briefment, en oiseuz ne se fie
66		Homs qui voeult mener bonne vye
67		Meïsmement ou solitaire,
68		Qui nul bon estat ne scet faire.
69		Sur ordres et sur seculiers,
70		Generaulx et particuliers,
71		Gentilz, bourgois, officïaulx,
72		Par tout guette ses envïaulx.
73		Et pluiseurs sont qui par oyseuse
74		Mainent bonne vye et joyeuse,
75		Estudient en ditz trouver,
76		Voir contre menchongne trouver.
77		Soubtillement font instrument,
78		Translatent latin en rommant
79		Et se si oyssent es histoires,
80		En racontant, choses notoires,
81		Es anchïennes choses lire,
82		Bien retenir et mal despire
83		Et sur tout voeullent bien gloser
84		Pour le mal arriere bouter.
85		De ce viennent les beaulx dittiés
86		Ou maint bon se sont delitiés :
87		De ce viennent les beaulx notablez,
88		Œuvres de maint fais delittablez,
89		Notes et estampïez belles,

[1d]

90		De ces rotelenges nouvelles.
91		Mais toutes voyes nul n'entende
92		Que a oizeuse vye tende,
93		Car fol est, a pas se fol vient,
94		Qui a oizeuzeté se tient.
95		Voit ouvrer ou estudïer,
96		Gart ne voit ses menbres lïer.
97		Pour ce est d'oizeuze la branche
98		Dure, pesme, courtoise et franche.
99		En tel oizeuze, c'est prouvé,
100		Chelui qui cest livre a rimé
101		L'an mil trois cens et dix [et] noeuf
102		Commença ce livre tout noeuf
103		Et baptisa quant a sa part
104		C'est le Contrefait de Regnart.
105		Car sur Regnart poeult on gloser,
106		Penser, estudïer, muser
107		Plus que sur toute rien qui soit.
108		Qui proprement Regnart perchoit
109		Le texte layt, prende la glose.
110		S'il se congnoist, et dire l'ose,
111		Meurs et condicïons et fais.
112		Il trouvera nul n'est parfais.
113		Et Regnart nous dit et enseigne
114		Que bon est que homme se tiengne
115		De dire mensongne ne voir,
116		S'amour de pluseurs voeult avoir.
117		Cil clerc pluiseurs fois si s'en faint,
118		Sa langue maniere constraint,
119		Et mist ce derriere devant.
120		Pour ce commence cest rommant
121		Pour dire par escript couvert
122		Ce qu'il n'osoit dire en appert
123		Et jetter lui convenoit foeur
124		De la cheminee du cœur.
125		Or commencera il son dit,
126		Car dame Oyzeuze lui a dit

2

[2a]

127		De tousjours bien faire et bien direMs. de bien faire et bien faire.
128		Ne se doit nuls homs escondire,
129		Salomon nous veult reveler
130		Et dist : « Nul ne doit sens celler
131		Ne mettre en repos ne covrir,
132		Ains le doit a trestous ouvrir
133		Qui pour bien mestier en aront
134		Et qui pour bien le requerront. »
135		Car ce doit bien chascun savoir,
136		Pour un ne fut point fait savoir,
137		Mais pour tous ceulx, au mien cuidier,
138		Qui le desirent et ont chier.
139		Dieu largement le bien crëa
140		Qu'a nullui ne le devëa,
141		Car qui veult bonne vie avoir,
142		Il scet bien qu'il en peut avoir,
143		Ce est des biens Dieu qui ne ment,
144		Que il depart si largement.
145		En tous estas sauver se peu[len]t
146		Trestous ceulx du ciecle qui veu[len]t,
147		Soient clercs, lettrés ou chanoines,
148		Marïez, march[ë]ans ou moynnes,
149		Seculiers, d'ordre ou autrement.
150		Voeullent amer Dieu seulement,
151		Loyaulté faire et maintenir,
152		En paradis doivent venir,
153		Nul n'y a de contredit point.
154		Mais qu'il maintiengneRaynaud corrige en maintiengnent. bien ce point,
155		Trestous sont de Dieu appelé,
156		Il n'en y a nul recellé.
157		Dont tu, qui as clergie et sens,
158		Et tu os dire, vois et sens
159		Que le povre a mestier d'aïdeRaynaud corrige en aÿdes.,
160		Et tu peus que nelui aïdeRaynaud corrige en aÿdes. ?
161		Voeulx tu ton sens mectre a recoy,
162		Que nul n'y parte fors que toy ?
163		Tu sens, se tu as propre esgart,

[2b]

164		En ton sens as la mendre part,
165		Mais est a tous les requerans.
166		Combien qu'en soies acquerans,
167		Tu n'en es fors que despenseur,
168		Et Dieu en est a toy presteur.
169		Presté le t'a pour departir,
170		Non baillié pour ja departir,
171		Si commeRaynaud corrige en com. le Philozophe dist
172		Qui maint bien nous met par escript.
173		Il dist : « Poy peut en verité
174		Nulz sans amour de charité
175		A bëatitude venir. »
176		Pour ce doit chascun advenir
177		A tous ceulx qui aïde quierent,
178		Combien que pas ne le requierent.
179		Cil Ms. cellui. qui veult scïence muchier
180		Samble le mauvais despencier
181		A qui son maistre baille argent
182		Pour departir a povre gent,
183		Mais ne le donne ne depart,
184		Tout retient et met a sa part.
185		Comme le mauvais vilain lourt
186		Qui un puis fait dedens sa court,
187		Bien l'ediffie et fait murer
188		Comme pour tousjours mais durer.
189		Et puis deffent que nul n'y viengne
190		Pour quelque besoing qu'il adviengne.
191		Tant a son eaue et son puis chier
192		Que il n'y veult nulluy huchier,
193		Ains veult le puis avoir tout seulz,
194		Vëez le chetif et prescheux !
195		Se tous les voisins y alaissent
196		Et leurs voisins y amenassent,
197		Et chascun puichast a deux mains.
198		Meilleur en fust, ja n'y eust moinsRaynaud corrige en mains..
199		Plus y venist, plus en ostassent,
200		Et aussi ceulx mieulx l'en amassent.

[2c]

201		Et quant n'y laisse nul puchier,
202		Le puis s'en peust empunaisier,
203		Et la fontaine en peut tarir,
204		Quant il n'y laisse nul venir
205		Ainsi est il d'homme scïent
206		Qui son sens celle en escïent,
207		Qu'aidier ne veult le sien amy.
208		Tout le voeult avoir a par lui
209		Et n'en veult aidier nulle gent,
210		S'ilz ne lui baillent de l'argent.
211		Et tost aprés le mort a prins
212		Le rend compte de son aprins,
213		Comment il l'a multiplïé,
214		Le sens que Dieu a envoié
215		Pour departir aux Besongneux,
216		Dont il a esté desdaigneux
217		De departir en ceste vie
218		Ce qu'il eust, et sien n'estoit mie.
219		Lors s'appelle las, meschëant,
220		Quant plaindre ne lui vault nëant.

221		Et pour [i]ce certainement
222		Je, a cest mien commencement,
223		Ne voeul mie estre decheü,
224		Ains voeul que de toutRaynaud corrige en tous (ce qui donne un sens différent au verbe sceü). soit sceü
225		Une scïence qu'aprins ay
226		De grant auctorité, et sçay
227		Que pluiseurs y prendront grant bien,
228		S'ilz le veullent entendre bien.
229		Car de long tamps en est l'hystoire
230		Et prinse sur vieille memoire,
231		Et les memoires ancïennes
232		Sont aux josnes phisicïennes
233		En exemples, en mencïons,
234		En biens et en fondacïons,
235		En manieres, en ordonnances,
236		En meurs, vivres et circonstances,
237		En humilité, en servir,

[2d]

238		En la grace Dieu desservir,
239		Qui autrement fut desservie
240		Et sainte Eglise mieux servie
241		D'œuvreRaynaud corrige en œuvres. et de devocïon
242		(Si comme on voit la noncïon
243		Es vrays livres que ceüs sont)
244		Que es presens qui orez sont.
245		Chascun si estudie et quiert
246		Ce que Nature lui requiert,
247		Non point Nature raisonnable,
248		Mais de follie appetissable,
249		Appetissable en varïance
250		Et en toute folle ordonnance,
251		Comme luxure et gloutonnie
252		Et autres dont je ne diz mie.
253		Et les biens que ilz en rechoipvent,
254		Qui des mors sont et tourner doivent
255		Ou douaire du crucefix,
256		Si comme de ce suis tout fis,
257		Ilz le mectent en aultre affaire,
258		Et dient qu'ilz le peuvent faire,
259		Car quant on leur baille, il est leur.
260		Mais ilz usent pain de douleur
261		Et a leur tresgrant dampnement,
262		Se sainte Escripture ne ment.
263		Pour ce d'une ancïenne histoire
264		Voeul je commencier ma memoire,
265		Et sera en partie de l'art
266		Que onRaynaud corrige en Qu’on. appelle maistre Renart.
267		C'est l'art qui les greniers remplist
268		Et les grans choses acomplist.
269		C'est l'art qui fait les simples gens
270		Devenir povres indigens.
271		C'est l'art qui fait les droits boiteux
272		Et les vaillans povres honteux.
273		C'est l'art qui fait les faulx hautains
274		Et les vermaulx pales estains.

3

[3a]

275		C'est l'art qui fait les bons muchier
276		Et les maulvais en hault d[r]echier.
277		Il fait de montaignes vallees
278		Et es grans vaulx fait les montees.
279		C'est l'art qui fait du blanc le noir,
280		De la mensonge fait le voir.
281		C'est l'art qui fait torchier Fauvel,
282		Du vieil [fait] neuf et de neuf vieil,
283		L'art qui fait rire le dolent
284		Et faire feste sans talent.
285		C'est l'art qui fait seigneurs garsons
286		Et garchons monter es archons.
287		C'est l'art qui fait les belles dames
288		Souvente foiz lever les games :
289		Aux mauvais fait porter honneur
290		Et les bons met a deshonneur.
291		C'est dont le ciecleRaynaud corrige en ciecles. est plains,
292		Et religïeux et mondains.
293		Tout le monde cel art aprent
294		Dont en la fin pour fol se prent.
295		Mais n'est ars qu'homs ne puist apprendre
296		Et sur lequel il ne puist prendre
297		Mal et bien, si comme il vouldra,
298		Mais cilMs. cellui. est fol qui mal prendra.
299		En droit de moy je ne diz mie,
300		[Ne n'esperanche n'i est mie,]Vers suppléé d’après A.
301		Mais sache bien cil qui l'emprent,
302		Car fol est cilMs. cellui. qui l'art aprent,
303		Quant viendra au fin de sa vie
304		Il tiendra cel arsRaynaud corrige en art a folie.
305		Que sur l'art que je si maintiengne
306		Qu'a mal et foleur nul en viengne,
307		Que ja en mal se introduient
308		Combien que cellui [tres]tout suient.
309		A brief parler, tous les sept ars
310		Sont tous enclins a celle[s] pars,
311		Ne nul des sept ars, s'il y touce,
312		N'est si fondé que il ne loche,

[3b]

313		Car sans lui doibvent bien lochier.
314		Certes si font ilz tous clochier,
315		Car sans lui sont tout d'hommeRaynaud corrige en d'honnour d'après A monde
316		Selon la chevance du monde.
317		Et qui est cil qui n'a bëance
318		De scïence avoir et chevance ?
319		Combien que des ars assez sache,
320		Tant q'un chascun peut s'i atache.
321		Se tout aprent et tout detient,
322		Se de cellui art ne retient,
323		(Si me gard Dieu d'avoir la fievre !)
324		Adont sera tenu pour chievre :
325		On dira a jung qu'il est yvres,
326		Ou que c'est un sacq plain de livres.
327		Sache loix ou dïalecticque,
328		Riens ne scet, s'il ne scet praticque.
329		Mais s'il scet de ceste maistrie
330		De Ms. le (corrigé d'après A). Renard qui tous ars maistrie,
331		Aprengne tant comme il vouldra.
332		Sans celMs. cellui (corrigé d'après A). art, petit lui vauldra.
333		De cel art dont je cy vous compte
334		Doibvent apprendre roy et conte,
335		Empereür et apostole,
336		Ceulx qui doivent lire a l'escole.
337		Si fontMs. sont. ilz voir, chascun en prent,
338		Chascun en droit lui en aprent.
339		De povres gens n'en peut chaloir,
340		Se de l'apprendre n'ont voloir.
341		Si en sont ilz escolier<t> tuit,
342		Chascun son cuer, sa langue y duit,
343		Car a l'acroire sont piteux
344		Et au payer sont despiteux.
345		Quant ilz acroient, ilz sont riches,
346		Quant ilz payent, povres et siches.
347		Aussi le petit enfanchon
348		Lisent tresbien ceste lechon.
349		S'on leur met en la main, ilz rient,

[3c]

350		Et s'on leur veult oster, ilz crient.
351		Et puis que chascun l'art recorde,
352		En droit de moy je m'y accorde,
353		Car Jacopin et Cordelier
354		Tirent trestous a cest colier.
355		Et quant ils en veullent ouvrer,
356		Dont y doy je bien regarder.
357		Si sontMs. font. certes tout penëant,
358		Combien qu'ilz n'en dient nëant.
359		Aussi coquins et demandeurs
360		Sont tous mensongniers et flateurs,
361		Vont plourant, disant povres sont.
362		M<auv>aises robes, mais souliers ont.Raynaud corrige en Mauvaises robes, souliers ont.
363		Mais qui tresbien les cercheroit,
364		Plus de deniers y trouveroit
365		Qu'il ne feroit es bien vestus.
366		Combien qu'ilz soyent salez et nuz.
367		Puis queRaynaud corrige en puis qu'. homme a truander s'adonne.
368		Je croy pechié fait qui lui donne,
369		Car cil droit larron estre veult
370		Qui prent et bien souffrir s'en peult.
371		Briefment, nul n'est a l'art donné
372		Que ceulx qui sont de femme né.

373		Et puis qu'ainsi est que je sçay
374		Ceste sïence et que je ay
375		Tamps et espace de vous dire,
376		Je ne m'en doy mie escondire
377		Que ne soit dicte a tous oyans.
378		Or y soit aucuns cler voyans :
379		L'an mil trois cens et dix e[t] neuf
380		Fust commencié cest livre neuf
381		Qui fu le premier livre fais
382		Qu'on dit Renard le Contrefais.
383		Au sanblant bien le trouverés,
384		Quant vous la matiere lyrés
385		Et trouverez nouveaux sentiers
386		Et des mesiaux et des Templiers,

[3d]

387		Si com vous en orez la vye.
388		S'il sceüssent bien renardye
389		Et la scïence proprement.
390		EncoireRaynaud corrige en encoir. fust il d'eulx autrement.
391		Maintes, dient ilz, ne [le] porent ;Raynaud laisse le vers hypométrique.
392		Mais je tesmoigne qu'ilz ne sorent,
393		Car se l'art eussent bien sceü,
394		EncoiresRaynaud corrige en encoir. ne fussent pas sceü.
395		Mais tel s'en fait un grant ouvrier
396		Qui en est simpleRaynaud corrige en Qui n'en est que simple. escolier.
397		Enguerran de Margny cuidoit
398		En estre maistre, <mais> non estoit.
399		Toute sa vie le maintint.
400		Mais en la fin mal le retint.
401		S'il eust esté coys et souffrans,
402		Long tamps eust esté acquerantRaynaud corrige en aquerrans..
403		Cha avant en diray la vie.
404		Mais tamps est queRaynaud corrige en qu’. autre chose die,
405		Que Oyseuse ne me lait taire
406		Et me commande un livre a faire.
407		En oyseuseté longuement
408		Fut le clerc qui fist cest romant :
409		Pour ce pluiseurs livres cercha
410		Et pluiseurs secrez reversa
411		Et pluiseurs anciennes histoires
412		Plaines de tresbonnes memoires.
413		Or commenceray je mon dit,
414		Car dame Oyseuse le m'a dit.

		L'ACTEUR
415		Se dist l'istoire es premier[s] vers
416		Que ja estoit passé yvers,
417		Et estoit une Pentecouste,
418		Une feste en l'an qui moult couste,
419		Que le roi Lÿon fist venir
420		Sa gent pour sa feste tenir,
421		Ses loyaux barons asambler
422		Comme roy, et roy veult sambler,

4

[4a]

423		Et dist en son cœur coiement :
424		« Roy qui se tient si seulement
425		Sans ses barons a lui attraire,
426		Envis peut a bonne fin traire,
427		Car s'il<z> les sieut, ilz le sieuront,
428		Et s'il les fuit, ilz le fuyront. »
429		Pour ce qu'il voult ce amender,
430		Fist il tous ses barons mander
431		Tout en samblant de charité,
432		En demonstrant humilité,
433		Et pensa : « Roy qui n'est amés
434		Bien doit estre chetif clamés. »
435		Noble le Lïon qui fut roys,
436		Sires et empereres droys
437		Dessus toute beste sauvaige
438		Qui toutes lui doivent homaige,
439		Mande, ensongne ne les en tiengne.
440		Pour ce n'y a nul qui n'y viengne
441		Pour porter service et honneur
442		Tant a eulx comme a leur seigneur,
443		Tant pour sa grace desservir,
444		Comme pour le bon jour servir.
445		N'y font deffault n'alongement.
446		Tout et toutes viennent briefment.
447		Chascun saigement se maintint.
448		Renard premierement y vint,
449		Qui saige fut, mal n'y eust ja,
450		Qui le sien nom puis ne changa,
451		Et ses noms, s'œuvre, decheu n'est.
452		Tant plus vit homs et plus en est,
453		Renard son nom ne remua,
454		S'œuvre ne son cuer ne mua.
455		Pour Renard qui gelines tue,
456		Qui a la rousse peau vestue,
457		Qui a grand queue et quatre piés,
458		N'est pas ce livre commenciez,
459		Mais pour cellui qui a deux mains,

[4b]

460		Dont il sont en cest ciecle mains,
461		Qui ont la chappe faulx samblant,
462		Qui va les cœurs des gens emblant.
463		N'est nulz homs tant saige sceüs
464		Qui monlt bien n'y fut decheüs,
465		Tant fut de la vieRaynaud corrige en laine d'après A. certains.
466		De larrechin fut ly estrainsRaynaud corrige en estains d'après A.,
467		ComtéRaynaud corrige en Gouté d’aprèàs A. de barat et de guille.
468		Il n'aRaynaud corrige en ne a. homme en ceste ville,
469		Tant soit saiges et advisés,
470		Qui bien n'y fut desavisés,
471		Ne paintre qui le paintesist,
472		Ne escripvain qui l'escripsist,
473		Et fut Argus et Euclidés,
474		Qui descapturesRaynaud corrige en descriptures d’après A. sceut adés,
475		Comme d'eux cœur[t] la renommee,
476		NommeeRaynaud corrige en Non mie. certes Tholomee
477		Qui fut si tresbon escripvain.
478		Ses engiens y seroit cy vain
479		Qu'envis s'i porroi<en>t traveillier.
480		Pignalïon qui de taillier
481		Estoit maistreRaynaud corrige en maistres. et de pourtraire,
482		Ne saroit pas tel robe faire.
483		Peroclités, Vircés, EuxisRaynaud corrige en Zeuxis d'après A.
484		Ains y seroient trop pensis,
485		Ainçois que compassé l'eüssent
486		Ne que pourtraire le sceüssent,
487		Filer, ou[r]dirCorrigé d'après A., taillier ne traire
488		La robe que Renard sceut faire,
489		Que eust vestue quant a court vint.
490		Selon son art il se maintint,
491		De samblant, de parole et d'œuvre
492		Son sen monstreRaynaud corrige en demonstre d'après A et son sens coeuvre.
493		Comme coys et joyeux se tint,
494		Avecques les meilleurs se tint.
495		Sa parole a nul ne refuse.
496		Monlt treshumblement son tamps use.

[4c]

497		Des plus saiges trait a sa part.
498		De ses parolles leur depart
499		En argumens, en questïons,
500		<Et> En pluiseurs inhibicïons.
501		Peu en un argument se tient,
502		L'un denÿe, l'autre soustient
503		Gracïeusement et actrait.
504		Et par ce pluiseurs en atrait.
505		Selon chascun il se contient.
506		Par quoy chascun payé se tient.
507		Abstinence sceut bien constraindre
508		En rire, en jurer et en plaindre,
509		En offrant a tel son hostel
510		De qui voulsist avoir le pel.
511		Et disoit : « Tout me pouez prendre. »
512		A tel qu'il voulsist voir entendre.
513		Par ce fist de ses ennemis
514		Les pluiseurs devenir amis,
515		Fors que Ysengrin seulement
516		Qui le hëoit trop durement.
517		Et pour ce [le]Corrigé d'après A. hëoit ly Loups
518		Que il estoit de lui jaloux
519		Et en son coeur coux se tenoit.
520		Et pour ce s'aucun bien disoit
521		De Renard, et que Renard yere
522		De simple et saigeRaynaud corrige en et de saige. maniere,
523		Bien parlans et bien arrestés,
524		Le Loup respondoit : « Vous mentés !
525		Ains est Renard tout au contraire,
526		Car on ne peult de lui bien traire. »
527		Ainsi le Loup le diffamoit,
528		Renard, que guaires il n'amoit.
529		Thiebert y vint ly empalez
530		Et le Rat, le <rat> meseau, Pelez.
531		Mais pour povoir que tous euïssent,
532		Ne pour bien dire qu'ilz peuïssent,
533		Ne pour ConflantRaynaud corrige en Constant d'après A., ne pour Robert

[4d]

534		Ne peut amer Pelés Thiebert.
535		Bauchans y vint et Espinars,
536		Et Grinbert, le cousin Renars,
537		Bruniaud le Tor et Brichemer,
538		Et le bon Cheval et ChimerRaynaud corrige en Thimer.,
539		BernardRaynaud corrige en Et Bernard. l'Asne et Tierselin,
540		Et le Mouton, sire Belin,
541		Petit Porrus, RobertRaynaud corrige en Porchas, Frobert d'après A. Roussiaulx,
542		Gourris et Bauchans ly Pourceaux,
543		Dame Hersent et Fauve y vindrent.
544		Ainsi les barons se contindrent,
545		Et Chantecler et dame Pinte
546		Vint a la court du roy, soy quinte.
547		Mais ains Renard ne vault amer
548		Ne amy ne cousin clamer,
549		Tant y ot, mais ne sçay le nom,
550		Nul ne s'en peut se louer nom
551		Qui vaulsist de raison user.
552		Cy ne quiers longuement muser
553		A dire quelz mos, quelz paroles
554		Ne aucunes parolles frivolles.
555		Mais viendray a m'Ms. mon.intencïon,
556		EncoireRaynaud corrige en Encoir. reviendray au Lÿon.

557		Quant la feste fust departie,
558		Si appella sa baronnie :
559		« Seigneurs, dist il, or entendez,
560		Vous qui haux grans honneurs tendez,
561		Qui vëezRaynaud corrige en bëez d'après A. bien a soustenir,
562		Amer vous doy et chier tenir
563		Et en vos franchises garder,
564		Vous moy servir et honnourer.
565		Et ceste chose bien sçavés :
566		Service et honneur me devés,
567		Si commeRaynaud corrige en com. vous m'avés en convent,
568		Et si devez trestout avant
569		Garder mon paÿs, mon honneur
570		Aussi, le grant et le mineur.

5

[5a]

571		Vous [estes]Suppléé d'après A., si comme il me samble,
572		Le meilleur de ma gent ensamble.
573		Je vaulsisse, ains c'om se partist
574		Ne que le conseil departist,
575		Que le conseil tout assamblast,
576		Que l'en feïst et ordonnast
577		Constitucïon et bon fait
578		Qui jamais jour ne fust deffait
579		Et qui tousjours mais se tenist,
580		Ne ja nulz contre ne venist. »
581		Lors respondent communement :
582		« Par cellui Seigneur qui ne ment,
583		Vous avez dit un grant savoir,
584		Et nous ferons vostre vouloir. »
585		A un conseil trestous s'en vont
586		Les barons qui plus saige sont.
587		En pluiseurs sentences se mirent,
588		Divers diverses choses dirent.
589		Renard n'y fust pas oublïés.
590		Bien les a a sa part lÿés.
591		Par lui fust trestout concheü
592		Tout ce qu'ilz ont dit et sceü.
593		Au fort a lui sont accordé.
594		Mais pluiseurs jurent le corps Dé
595		Que a cest conseil ne seront
596		Ne ja ne s'i accorderont,
597		Et hucheront en hault : « Aÿ !
598		Renard, par toy sommes trahy.
599		Ja en lieu que tu puisses estre,
600		Povre n'avra ne lieu ne estre,
601		Certes ce est un mauvais sors. »
602		Lors les fist Renard bouter hors,
603		Et un tresgrant serment jura
604		Que cest accord si se tendra :
605		« [Les] dyables font telz povre gent
606		Parler ainsi, ny aultrement.
607		Je ne les puis<t> vëoir nommerRaynaud corrige en n'amer d'après A..

[5b]

608		Que or fussent ilz em my la mer !
609		Ja de leur conseil ne seray
610		Et envis bien je leur feray,
611		Ce se n'est pour honte cachier,
612		Ou se n'est pour Fauvel torchier,
613		Et pour aucun renom avoir,
614		[Ou pour aquester de l'avoir.]Vers suppléé d'après A.
615		Alons nostre accord recorder
616		Au roy sans plus desaccorder. »
617		Les riches dient : « C'est bien dist. »
618		Au roy vont pour dire leur dit :
		LE ROI LION TIENT COURT
619		« Sire Noble, vers vous venons
620		Affin que nous vous recordons
621		Ce que par nous fait a esté
622		Et qui des grans est recordé.
623		Mais se ce ne volez tenir,
624		Honte pour nous en peut venir. »
625		Dy[t] le roy : « Et je m'y accord !
626		Or me recordés vostre accord.
		REGNART VIENT A LA COURT
627		― Sire, nous avons accordé.
628		Combien qu'aucuns l'ayent discordé
629		(Mais <ne> leur discord ne vault nëant,
630		Pour ce que ilzMs. quilz. sont povres gent),
631		Que les povres foulés seront,
632		Bon tamps, bien ne honneur n'avront,
633		Fain et froit tousjours sera leur
634		Et renommee de malheur.
635		Et encoir le conseil est telz
636		Que on leur toille leur chatelz,
637		<Ne> Ja ne croit en ce que tesmongne,Raynaud corrige en Je ne croie ce qu'il tesmoignent d'après A.
638		Et s'ilz n'aiment une besongneRaynaud corrige en Ne la besoigne que il moignent d'après A.
		<Ainsi ferai qui an grongne>Vers excédentaire.
639		Ja ne sera bonne tenue,
640		Mais pour folleRaynaud corrige en mauvese d'après A. et simple et nue.
641		S'il blasme aucun de sa folie,

[5c]

642		Nous sommes tous d'amour qu'on die
643		Que envie lui fait blasmer,
644		Car povre ne peut nul amer.
645		Et s'il veult vendre aucune rien,
646		Que ont lui desprise ce bien.
647		Se il dist bien, c'est adventure.
648		Se il dist mal, c'est sa nature.
649		S'il pleure, qu'il soit lendengiés.
650		S'il chante, qu'il est enragiés.
651		Que il soient mal et honteux,
652		Sans compaignie voisent seulz.
653		Et tout adez iront chargiés,
654		Mal peüz et souvent tenchiés,
655		Et seront les derrains ouÿs,
656		Et souvent nulz et esbahys.
657		Chier tamps, neisge, froit et gellee
658		Leur cherra tout sur l'eschinee.
659		En ost, en guerre mis devant,
660		En festez boutez laidement :
661		Mal vendront, mal employeront,
662		Toutes gens les vituper<e>ront
663		Quant en la terrïenne vie.
664		De l'autre ne jugons nous mie.
665		Dieu, le souverain debonnaire,
666		Scet bien de ce qu'il a afaire.
667		Les richesRaynaud corrige en riche. au contraire seront,
668		Pris et honneur tousjours aront.
669		Se ilz sont folz, par leur avoir
670		Seront tesmoingné de savoir.
671		Leurs choses seront bien gardees
672		Et leurs maisnies deportees.
673		Vins avront, vïandes, chevaulx.
674		Tout sera leur, et mons et vaulx.
675		Tout seront leur les biens du monde,
676		Combien qu'aucuns soient de biens monde.
677		Adez de hault parler aront,
678		Gentilz et nobles se diront,
679		Combien que auRaynaud corrige en qu’au. naistre et au morir

[5d]

680		Voit on la noblesse averir.
681		A ces deux poins, morir et naistre,
682		Voit on bien qui gentilz doit estre.
683		De la fin ne parlons nous point,
684		Chascun doit bien garder ce point.
685		Ad ce s'accordent les barons.
		LYON
686		― Et par sainct Pierre de Chalons !
687		Ce dit NobleRaynaud corrige en Nobles., ainsi en voit,
688		Combien qu'aucun grevés en soyt !
689		Ja pour ce je ne le lairay,
690		Tost et briefment le sceleray,
691		Puis que de vous est accordé.
692		Mais, par cellui qui m'a formé,
693		Les ungs en ont trop le meilleur.
694		Or gardent bien ce qui est leur
695		Jusques droit leur veuille amender.
696		FaicteRaynaud corrige en Faictes. escripre et commander
697		Que la sentence si se tiengne,
698		Et que nulz encontre ne viengne.
699		Soit tenu bien et fermement
700		Sans dire pour quoy ne comment. »
701		Lors fist le roy scelleerRaynaud corrige en sceller. la lettre
702		Et trestout les p[l]oms y fist mectre,
703		Les riches en prindrent copie.
704		Ja nul ne le fraigne en sa vie.Raynaud inverse l'ordre des deux derniers vers et édite 704-703.
705		Mais les povres n'en prindrent point,
706		Pour ce qu'ilz ne l'accordent point.
707		Par ce point furent povre gent
708		Ostez de bel estat et gent
709		Et de la joye terrïenne.
710		La sentence en est anchïenne
711		Qui fut ainsi faicte et escripte
712		Et par Renard jugie et dicte.
713		Renard le premier en parla,
714		Renard premier povre foula.
715		Par Renard sont povres foulés

6

[6a]

716		Et maint bon preudhomme boulés.
717		Tousjours fust Renard en saison,
718		Se ce ne fust dame Raison.
719		Mais quant Raison veult assaillir
720		Renard, bien tost le fait faillir :
721		Devant Raison durer ne peut.
722		Pour ce Renard amer ne veult,
723		Car trop tost le fait trebuchier
724		Par terre, fouir, noyer, cachier.
725		Aux Templiers prendre le devez :
726		Quant Renard les ot eslevez
727		Et mis jusqu'a seigneurs de terre,
728		On ne sçavoit nulz plus Ms. plus nulz. grans querre.
729		Tant furent grans et tant pooient
730		Que tout le monde surmontoient.
731		Tout par son engin et son art,
732		Raison qui ains n'ama Renard,
733		Quant ilz furent ou hault clochier,
734		Les fist tout aval trebuchier.
735		En plus petit estat les mist
736		Que Renard avant ne les prist.
737		Jus les rüa sans relever.
738		Il n'apartient pas a celer
739		Enguerrant et Jourdain de Lille
740		Qui tant furent grant et habille,
741		Qui tant estoient surmonté
742		Que nullui n'avoient doubté.
743		Raison en despit de Renard
744		Les amena jusqu'a le bart.
745		Pour ce Renard point Raison n'aime :
746		De lui se deult, de lui se claime.
747		Quant Renard en a un levé,
748		Raison l'a tantost devalé.
749		Pour ce est fol qu'enMs. qui en ; Raynaud garde qui en mais corrige Renard en lui. Renard se fie.
750		Les povres ne l'aimeront mie,
751		Quant ceste chartre leur donna
752		Que le roy NobleRaynaud corrige en Nobles. ordonna.

[6b]

753		Quant s'intencïon fut finee,
754		Chascun tend a faire s'alee,
755		Chascune a grant fain de partir
756		Et de en sa maison venir.
757		Chascun s'en va en son paÿs
758		Pour vëoir femmeRaynaud corrige en et femme. et amys.
759		Le roy, la roÿne au corps gent
760		Demourerent a pou de gent.

761		Plus du roy ne vous compteray.
762		A ma matere reviendray
763		Dont j'ay prins le commencement,
764		De Renard especïaulment
765		Qui tant peut povreté haïr
766		Et diffamer et envahir.
767		A lui ne se peut alïer.
768		Son art ne peut multiplïer :
769		Pour ce ne peut son art couvrir,
770		Et il pert assez a l'ouvrir.
771		Car quant povre plus l'art savra,
772		De la gent mains creüt sera.
773		Tant plus l'œuvre, plus est blasmés,
774		Et adont l'art plus diffamés
775		Qu'envis du bien ja loué n'yert.
776		Dont est fol, se tel art acquiert.
777		Le riche tresbien cest art treuve,
778		Ja n'en savra ouvrer que l'œuvre :
779		Tant passe Raison, ny s'adonne,
780		Qu'elle ne soit tenue a bonne.
781		Bien a de quoy son fait payer
782		Et maises langues appaisier,
783		De quoy faire taire ennemis
784		Et de quoy concquerir amis,
785		De quoy couvrir une folie.
786		Et de tout ce n'a povre mie.
787		Le riche fait de bourde voir
788		Et de grant folie savoir.

[6c]

		YSENGRIN
789		Izengrin tant Renard haÿ
790		Et par tant de fois l'envaÿ
791		Pour lui nuyre et grever, s'il peust.
792		Mais oncques pour sens qu'il eüst
793		Ne se polt bien apercevoir
794		De haÿne ou d'amour avoir.
795		Ysengrin cognoistre ne peut.
796		Si en [fist]Suppléé d'après A. il du mieulx qu'il sceut.
797		Mais tant le seut bien repaier
798		De dit et de samblant paier,
799		Que il s'en tenoit a payés.
800		Oncques ne fust si esmayés.
801		Au printamps, la doulce saison,
802		Ysengrin fust en sa maison
803		Avec dame HersemRaynaud corrige en Hersent., sa femme,
804		Qui monlt le villoneMs. de vilonnie. et diffame,
805		Comme celle qui monlt noble yere.
806		Sote de corps et de maniere.
807		Et savoit bien par cuer l'affaire
808		Que toutes femmes scevent faire,
809		Et bien la verité sçavoit
810		Pour quoy, de quoy son con servoit,
811		Et elle vëoit son mary
812		Vieil, jaloux, malade et marry :
813		Long tamps a ce ne fust meü.
814		Monlt en eust le cuer esmeü
815		CommeRaynaud corrige en Courecié d'après A. tristre et a malaise
816		Qu'elle n'ose faire son aise
817		De ce que Nature clamoit.
818		Dedens son cœur monlt s'en blasmoit,
819		Et disoit : « Lasse ! que feray ?
820		Que diray je, et ou iray ?
821		Nature me tourmente cy
822		Le cœur et les membres aussi,
823		N'ay membre dessoubz ma chemise
824		Qui ne me trambleRaynaud corrige en trestramble. et fremise.
825		Une heure suis en marrisons,

[6d]

826		AultreRaynaud supplée Et. heure [ai] les mengisons.
827		Une heure tramble, aultreMs. lautre. fremie.
828		Quel mal est ce ? Ne le sçay mie :
829		Ne sçay s'il est doulx ou amer.
830		Ne voy plus : il desire amer
831		Et beaulx embrachiers et baisiers,
832		Avecques les autres aysiers
833		Lesquelz je n'ozeRaynaud corrige en oz. pour honte faire,
834		Pour l'ort vilain qu'on puist deffaire !
835		Pour celluy quiRaynaud corrige en cui d'après A. mort puist porter,
836		N'oze mes membrez deporter
837		Qui sont si bel et si deffait.
838		Pour quoy furent ilz oncques fait,
839		Mes membres qui tant sont honny ?
840		Sont ilz doncques d'amer banny ?
841		Mon ventre qui est blancz et cras,
842		Ma blanche gorge et mes blans bras,
843		Mes cuisses qui tant me font paine.
844		Qui sont sans oz, sans nerfz, sans vaine ?
845		Ne me doit il forment peser,
846		Quant mon doulx amy adeser
847		Ne les peut ? Mais prochainement
848		Les tiendra, se j'ay aisement.
849		Et se ne le trouvoie point,
850		Ung aultre tiendroit bien ce point.
851		Ja mon amy ne le sçaroit,
852		Ne ja pour ce moins n'y aroit.
853		Pour quoy sont donc mes membres fait ?
854		Certes je sçay bien qu'on en fait.
855		Ne s'en voisent ja debatant
856		Ceulx qui par tout vont cons batant,
857		Cordelier, Jacopin et aultre,
858		Qui bien font un et dient autre.
859		Et combien de ce me remembre,
860		De quoy serviroient mes membre ?
861		NatureRaynaud supplée Or. a tout ordonné
862		Le fait a quoy ilz sont donné :

7

[7a]

863		Ordonnés a Nature sont,
864		Ceulx sachent tresbien qu'il les ont,
865		Car cœur et corps me servira.
866		Ja Raison ne l'asservira. »
867		Lors fiert du poing sur son boudry
868		Et a juré par saint Landry
869		Que elle tel chose fera
870		Que le vilain coux en ara :
871		« Je lui feray anuy et honte,
872		Au vilain, dont je ne tiengs compte,
873		Qui ne peut mais faire bonne euvre. »
874		Atant s'en suert et sa huche euvre,
875		Car ire et couroulx le surprent.
876		Sa quenoille et fusee prent,
877		Son desvuidoir et son ramon,
878		Et le met dedens son gyron,
879		Et lui dist : « Commere, tenez,
880		Puis que aRaynaud corrige en qu'a. l'hostel tant demourez
881		Et qu'il vous y plaist a tenir,
882		Et femme voulez devenir,
883		Ceste quenoille [me]Suppléé d'après A. fillés
884		Et si desvuidiez mes filez :
885		Bien estes or ad ce seansRaynaud corrige en seant.,
886		Quant estes [i]cy demourant,
887		Vous fillerez jusqu'as estoilles
888		Tant que nous avons quatre toilles
889		Qui bien seront entour nous mises.
890		Et si taillerez des chemises.
891		Et puis quant avrés cecy fait,
892		Si donnés a l'enfant du lait,
893		Et si le vestez et paissiez.
894		Ne point de deffault n'y laissiez :
895		Faictes le feu et la buee.
896		Gardez ne passez nostre entree,
897		Qu'estranges homs ne s'i esbatte,
898		Se vous ne volez qu'on vous batte.
899		Et vous voz brayez meMs. ne. bailliez,

[7b]

900		Car porter n'estes pas tailliez.
901		S'iray le paÿs concquerir
902		Et des vïandes acquerir.
903		L'un convient il aller en proye.
904		[Or faites tost, c'on vous an proie :]Vers suppléé d'après A.
905		Vous arez nomRaynaud corrige en arez a nom. dame Aviz,
906		Qui tost fait mal et bien envis. »
907		Quant Ysengrin olt et entend
908		Les motz que sa femme lui tend,
909		Qui bien lui samblerent nuysans,
910		Folz [et] perilleux et cuisans.
911		« Dame, dist il, or m'entendés.
912		Je voy bien a quoy vous tendés :
913		Je vous empesche vozRaynaud corrige en vo. voloir,
914		Dont monlt vous faiz le cuer doloir.
915		Ce ne convient il ja prouver :
916		Mal vous puissiez vous demener,
917		Car [ja]Suppléé d'après A. loaulté n'y querrez !
918		Faictes le pys que vous pouez
919		[Et]Suppléé d'après A. tout ce que au cœur vous monte.
920		― Par foy, dist elle, c'est grant honte !
921		Ne poons pestre noz faulcons,

[7c]

922		N'oster noz [barbes]Suppléé d'après A. a noz cons,
923		Que nous ne vous trouvons present !
924		― Mieuls amissions autre present.
925		― Sire, se respondi sa femme,
926		Se Jhesus me gard de diffame,
927		Je vouldroie encoire estre a naistre.
928		EtRaynaud supplée que. je deüsse un homme estre,
929		Et le cuer que je ay eüsse.
930		Et ja pour ce plus ne sceüsse !
931		Je feroye tant de dyablies,
932		Ains tant ne furent establies.
933		Ne seroit nulle belle femme,
934		Fust honte, couroux ou diffame,
935		Que je ne allaisse assaillir
936		Sans ja avoir peur de faillir,
937		Et que je ne vaulsisse avoir,
938		Qui qu'en deüst rire ou douloir.
939		Je feroie tant de meslees
940		Qu'envis seroient desmellees,
941		Ne feroye fors qu'espïer.
942		Ne doubteroie plour ne crïer :
943		Oncques Michault qui en morut
944		Si volentiers ouvrier n'en fut !
945		Je merroye deduis et chans,
946		Ne seroie pas des meschans
947		Qui es cendres crouppent et sieent :
948		[Tieus gens Dieu ne nelui ne sieent.]Vers suppléé d'après A.
949		Homs qui tout veult veir et savoir
950		Ne doit ja nom d'amy avoir :
951		Qui crout ou fu et fait les liz,
952		Ains doit avoir nom dame Aliz.Raynaud inverse l'ordre des deux derniers vers et édite 952-951.
953		Trestout l<u>y dyable vrayement
954		Font femme prendre a celle gent
955		Qui ne peuent [fere]Suppléé d'après A, mais la correction rend le vers hypométrique, d'où l'effacement de le. <le> mestier,
956		Et si voeullent tousjours guectier,
957		Qui ne peuent faire faire lait,
958		Et grace avra se il s'en taist.

[7d]

959		Nature rendra son devoir,
960		Qui qu'en doye rire ou doloir.
961		Faire estuet ce que il convient
962		Et de ce souvent me souvient :
963		Nature m'en fait souvenir
964		Qui ne me laisse en paix tenir. »
965		Quant Ysengrin oyt la nouvelle,
966		Lors sa douleur lui renouvelle,
967		Car jaloux est de grant piecha,
968		Et ce point ne le despicha,
969		Ains lui enflamne tost et tard.
970		Devant sechoit, mais orez ard,
971		Ne ilRaynaud corrige en N'il ne s'en peut plus deporter,
972		Car le meilleur n'en peut porter,
973		Car il cognoist et bien y pense :
974		« CilMs. Cellui. est fol qui a femme tenche,
975		Car dommaige il en acquerra,
976		Et de la honte en apperra.
977		Bon fait folle femme eschieuer
978		Pour tous les perilz eviter. »
979		Lors vuida Ysengrin la place
980		Sans que nul desplaisir lui face.
981		Et bien pensa en son advis :
982		« Mieulx vault ainsi que faire piz. »
983		Monlt fut courouchié et plain d'ire.
984		A lui mesmes print [il]Suppléé d'après A. a dire :
985		« CilMs. Cellui. qui a estat de franchise,
986		Sans servitude et sans maistrise,
987		Et il se boute es las de femme,
988		Bien doit avoir honte et diffame :
989		Ce qui est fait n'est pas a faire,
990		Or m'en iray a mon affaire.
991		La cuisanchon soit derriereRaynaud corrige en derrier. l'huis,
992		Puis que hors de mon hostel suis !
993		Meschief ay pour ce que j'ai fain.
994		Tout en ay et cuer et corps vain. »
995		Lors s'en entre au boys querant proye,
996		Prïant Dieu qu'a bon port l'avoye.

8

[8a]

997		Bien les arbres oÿ venter,
998		Mais oncques ne se peult vanter
999		Que nulle autre chose y oït
1000		Que de nulle riens s'esjoïst.
1001		En ceste fut la prayerie,
1002		Et le ville a l'autre partie.
1003		La praierieRaynaud corrige en prairie. fut grant et lee.
1004		Illecques fust Barbue alee
1005		Pasturer et prendre sa vie.
1006		Ysengrin qui a grant envie
1007		Que sa vie trouver peüt
1008		(Ne lui chausist qui le sceüt),
1009		Jette ses yeux, choisist Barbue
1010		Qui va paissant par my l'erbue.
1011		Seule fust, a paistre entendy,
1012		Et s'il qui a vivre tendy
1013		Ne vit nulluy fors celle part :
1014		Bien cuide avoir Barbue a part.
1015		Lors n'eust il cure de tenchier.
1016		Forment le print a esleeschier,
1017		Et jure Dieu, terres et champs
1018		Tousjours ne sera pas meschans :
1019		« Foy que doy ma femme putain,
1020		Qui me fait souppes de mon pain
1021		Et qui coux me fait, honte et lait,
1022		Fortune grant honneur me fait
1023		Quant m'envoye cy garnison
1024		Pour conforter ma garison !
1025		Ma femme ja ne le sçaira,
1026		Par mon chief, ne ja n'en ara !
1027		J'escommuny qui porte honneur
1028		Cellui qui lui fait deshonneur.
1029		En grant foulour vit et labeure
1030		Qui sa femme putain honneure !
1031		Quant [elle] ne veult honnourer,
1032		On le doit bien deshonnourer !
1033		Honneur est de telle nature

[8b]

1034		Que qui le sert elle lui dure,
1035		Et qui honneur veult asservir,
1036		Il doit bien a honte servir :
1037		<Or> Tiendray compte de mes amys,
1038		Puis que Dieu aRaynaud corrige en m'a. a honneur mys. »
1039		Lors s'en va vers lui faire feste,
1040		Et Barbue leva la teste
1041		Et vit Ysengrin qui dansoit
1042		Et qui a lui mengier pensoit.
1043		Sa contenance a bien veüe,
1044		Dont elle a grant päour eüe.
1045		Mais touteffoiz bien se contint.
1046		Hardie chiere et samblantMs. Hardie et chiere samblant. tint :
1047		Bien pense que se il savoit
1048		La grant päour que elle avoit,
1049		Qu'elle morroit ; pour ce se faint,
1050		Et trestout son voloir constraint,
1051		Combien que grant päour eüst,
1052		Ne voult qu'il s'en appercheüst.
1053		De trop foulour ne se doit plaindre
1054		Qui scet bien son vouloir constraindre.
1055		Car cilMs. cellui. qui tant son voloir euvre,
1056		Envis peut achever bon euvre.
1057		Et pour ce entreRaynaud corrige en c'entre. lye et despite
1058		Lui a ceste parolle dicte :
1059		― Beaux amys, Barbue lui dist,
1060		Ton samblant, contenance et dit
1061		[Sont] sans bien estre et sans savoir !
1062		Oncques saige homme ne vy, voir
1063		Qui vers autrui venist crïant,
1064		A gorge estandue rïant.
1065		Je me vouloie sommeillier.
1066		Mais pour de livre[s] un millier
1067		N'est qui dormir poinst me feïst,
1068		Pour paine que nulz y meïst !
1069		Que veulx ? Que quiers ? Scez que demandes ?
1070		Et se nul riens par toy me mandes,

[8c]

1071		Dis le, sçaray conseil du faire.
1072		Et puis si va en ton repaire.
1073		Ne jamais en nulle maniere
1074		Qui bons ou preux ou saigeRaynaud corrige en saiges. yere,
1075		Qui si sottement a nul viengne !
1076		De cy t'en va, plus ne t'aviengne,
1077		Car contenances font sçavoir
1078		En chascun se il a sçavoir,
1079		Car on voit a la contenance
1080		Grant partie de la scïence.
1081		Et la sïence sans maniere
1082		E[s]t de pluiseurs peu chiere.
1083		Pour ce, amys, advise toy
1084		Et me diz se tu as de quoy.
		YSENGRIN
1085		― Barbue, ne t'esmaye mie,
1086		Car de ton corps, et croute et mie. »
1087		Dist Ysengrin : « M'estuet mengier.
1088		Je n'en prendroie nul denier,
1089		Mais si grant joye [ay je] eüe
1090		Aussi tost que je t'ay veüe,
1091		Que je ne sçay ou j'ay esté,
1092		Ne s'il estoit n'yver n'esté.
		BARBUE
1093		― Pour quoy liez, diz le moy briefment ?
1094		― Que honys soit le corps qui ment ! »
1095		Dist Ysengrin : « N'en mentiray,
1096		Et tout par my le voir iray.
1097		QuandRaynaud corrige en Comme. fortune ou bons eürs
1098		Me vient, dont je suis peu seürs
1099		(Car a tart vient lez moy a estre),
1100		Nature me fait si liez estre,
1101		Pour ce que peu souvent m'avient,
1102		Que de lëesse foleur vient.
1103		Pluiseurs peschent plus par lëesse
1104		Que ilz ne font par grant tristresse.
1105		Homs trop liez en peril demeure.

[8d]

1106		Ennemis lui coeurt adez seure,
1107		Ja asseürez ne sera.
1108		Tout mal penser en lui ara.
1109		Oncques de trop lÿesse avoir
1110		Ne viz acquerir grant avoir.
1111		Mais en viennent discensïons
1112		Et guerres et occisïons,
1113		Charmeriez et revemens
1114		Et trestout mauvais mouvemens.
1115		Mais a mon œuvre reviendray,
1116		Pour quoy je te tiengs et tiendray
1117		En mon heritaige, es entreesRaynaud corrige en a l'entree.,
1118		Mauvaisement prinse prouveesRaynaud corrige en prouvee..
1119		Trouvee fourfaisant t'y ay :
1120		Sces tu quelle amende en aray ?
1121		De ton corps feray ma vïande.
1122		Aultre amende je n'en demande.
1123		Tout maintenant le mengeray.
1124		Ja aultre chose n'en feray :
1125		Nul te n'en peult estre garans. »
1126		Adonc la voult il prendre aux dans :
1127		Ja lui eust baillyé sa lechon
1128		Quant Barbue getta un son.
1129		Comme dolente et plain[e]Corrigé d'après A. d'ire,
1130		Dist a Ysengrin : « LaisseRaynaud corrige en Lai d'après A. moy dire
1131		Mon fait, mon dit et ma raison,
1132		Par quoy tu n'az nulle accoison
1133		De moy grever en nulz endrois :
1134		Mieulx te vauldroit perdre les dois,
1135		Car tu morras de maise mort,
1136		Se tu me griefvez et fay[s]Corrigé d'après A. tort. »
1137		Quant Ysengrin oÿt Barbue,
1138		N'ot pas sa sïence perdue
1139		Qu'il ne retenist bien le dit,
1140		Ainsi que Barbue l'a dit,
1141		Quant elle dist : « Se me faiz tort,
1142		Tu en morras de malle mort. »
1143		Pour quoy il fut monlt esbahy.

9

[9a]

1144		Adont la laisse et dit : « Or dy
1145		Qui es, que peus, ne enRaynaud corrige en n'en d'après A. quel dangier
1146		Suis je, que te laisse a mengier,
1147		Tant soit grant ou plain de savoir
1148		D'amis que tu puisses avoir. »
1149		Ce dit Barbue : « Sans mentir,
1150		Tu ne te doyz pas envahir
1151		Contre raison et verité :
1152		Tu n'en a pas l'auctorité,
1153		N'en toy n'est mie le pooir.
1154		Or scés tu bien se je diz voir ?
		YSENGRIN BARBUE
1155		― Dy oultre. ― OrRaynaud corrige en Ore. fay doncques paix !
1156		Je diz : en tout cest pre je paix,
1157		Et si pestray, et ay peü
1158		Toutes les foiz qu'il m'a pleü,
1159		Et tous ceulx qui de moy ystront
1160		En cest pre paiscent, et paistront
1161		Par cest pré et par la forest,
1162		Sans contredit et sans arrest :
1163		Chartres en ay longues et lees,
1164		Bien escriptes et bien scellees,
1165		Et quiconcques les desdira
1166		A mort et a honte en ira. »
		YSENGRIN
1167		Dist Ysengrin : « Je ne t'en croy.
		BARBUE
1168		― Doncques je te requiers et proy
1169		Que tu me donnes aucun jour
1170		Au quel je puisse sans sejour
1171		La lettre que j'ay apporter,
1172		Et si y soyez sans fausser.
1173		<Et>Corrigé d'après A. C'elle n'est bonne et bien parlant,
1174		Ne soyez de moy si souffrant

[9b]

1175		Que tu n'en faces ton repas.
1176		Je te jure par sainct Thomas
1177		Que ja mal gre ne t'en saray
1178		Et si te jureRaynaud corrige en jur. que je yRaynaud corrige en j'y. seray,
1179		Sans point querir dilacïon
1180		Ne signifïer mocïon. »
1181		Le Loup se tint la bouche mue.
1182		Toute la volonté lui mue,
1183		Quant il vit que pour s'envahie
1184		Ne fust point la Chievre esmahye :
1185		« Ne sçay se je dors ou se veille »,
1186		En son cœur dist : « je m'esmerveille !
1187		C'est bien par grant malheureté
1188		Que ceste parle en sceureté.
1189		Il samble bien en son plaidier
1190		Qu'aucun soit prez pour lui aidier.
1191		Sans cause ainsi ne parle mie,
1192		Sans aucun amy ou amye
1193		Qui tost m'aroient honte fait,
1194		Se oncques je cognuz tel fait. »
		YSENGRIN
1195		Lors dist comme coyzRaynaud corrige en courreciez d'après A. et plain d'ire :
1196		« QuilRaynaud corrige en qui. te fait elz parolles dire
1197		Ne de qui les peus<t> tu tenir ?
1198		Les veulx tu ainsi maintenir ?
		BARBUE
1199		― Sy vigoureusement [et]Suppléé d'après A. fort,
1200		Que tu ne me feraz ja tort.
1201		Va trouver autre qui te croye,
1202		Tu n'az pas trouvé cy ta proye. »
		YSENGRIN
1203		Quant Ysengrin olt et entend
1204		Les motz que la Chievre lui tent,
1205		Si c'est un poy humilÿé.
1206		Pour ce lui a jour ottroyé :
1207		« Adhuy en huyt jours me raras.
1208		Lors la verité en sçairas. »

[9c]

1209		Ainsi ilz se sont accordésRaynaud corrige en accordé.
1210		Ysengrin jura le corps DesRaynaud corrige en Dé.
1211		S'elle n'y vient, guarir ne peut.
1212		Celle jure que bien lui veult.
		L'ACTEUR
1213		SeMs Le (corrigé d'après A). Barbue eüst molement
1214		Pallé, monlt li futMs fut monlt fut. malement :
1215		Mengie eüst esté sans doubte.
1216		Pour ce est celluiRaynaud corrige en cil. fol qui trop doubte :
1217		On ne se doit trop esbahyr
1218		Ne de grant bien trop esjoÿr.
1219		Qui son fait maine par mesure,
1220		Raison accorde que il dure.

1221		Ainsi se partent et s'en vont.
1222		Tous deux en grans pensees sont,
1223		Cy d'Issengrin vous laisseray
1224		Et de Barbue vous diray
1225		Qui ne fut point riche d'avoir :
1226		Pour ce ne perdit son savoir,
1227		Pour ce point ne se mesporta,
1228		Mais tout adez se conforta.
1229		Puis qu'avoir ne peust acquerir,
1230		Pourvëance lui fault querir.
1231		Car pourvëance, ne doubt pas,
1232		A fait trespasser maint mal pas.
1233		CilMs. Cellui. qui a en lui pourvëance
1234		N'a pas perdue sa scïence.
1235		Envis peut cilMs. cellui. avoir a faire
1236		Qui pourvëance veult actraire,
1237		Et cilMs. cellui. qui n'en veult acquerir
1238		Est bien en voye de faillir :
1239		Souventeffoiz avient que quiert.
1240		Pourvëance a tous bons affiert,
1241		Et homs qui est sans pourvëance
1242		Souventeffoiz fault a chevance.
1243		On doit prendre exempleRaynaud corrige en exemples. aux bestes
1244		Qui de pourveance font festes,

[9d]

1245		Soiris, fremis, oyseaux volans
1246		Et le cuqu qui au printamps
1247		Chante son chant de cœur monlt gay,
1248		Tout le moys d'avril et de may,
1249		Et son cœur est et son voloir
1250		D'aucune pourvëance avoir,
1251		Ble, eaue, tout a amasser,
1252		Comment il puist yver passer.
1253		Car il scet bien a sa nature
1254		Que yver vient, pour ce met cure
1255		A querir et trouver retrait.
1256		La peu a peu son vivre actrait,
1257		Petit a petit metMs. mes. ensamble,
1258		Selon ce que Raison lui samble,
1259		Lors quant il sent yver venir,
1260		Si s'en va en son creux tenir.
1261		Illec a son vivre se tient
1262		Jusques adonc qu'esté revient.
1263		Les soirys de jour et de nuys
1264		Font amas en petit reduys.
1265		Puis quant neisgesRaynaud corrige en neisge. et gelleesRaynaud corrige en gellee. viennent,
1266		Delez leur reduys si se tiennent.
1267		Laissent illec yver venir
1268		Et atendent printamps venir.
1269		Pour ce est bonne pourvëance,
1270		Qui veult avoir bonne chevanceMs. brance.,
1271		Mais pourvëance et desconfort
1272		Ne furent oncques d'un accord.
1273		Dist Barbue : « Ja n'y aray
1274		Desconfort, mais Dieu prieray.
1275		Cathon dist que a nules gens
1276		Nul avoir n'est meilleur de sens,
1277		Car on leur prent bien leur avoir,
1278		Ce ne fait on pas leur sçavoir.
1279		Pour ton paÿs et pour ta terre
1280		Dois tu monlt bien entrer en guerre,
1281		Or veuille donc Dieu que je puisse

10

[10a]

1282		Vivre a honneur et que je truisse
1283		Ma loyal chevance et ma vye
1284		Sans estre grevee d'envie. »
1285		Barbue s'oroison fina,
1286		Mais de prïer Dieu ne cessa
1287		Pour le fait qu'elle a a tenir.
1288		[Car] Besoing fait maint cœur fremir.
1289		Envis aime Besoing Raison.
1290		Ne ne quiert en nulle saison
1291		Roide vallee ne grant mont,
1292		Perilleux guetz ne mauvésMs. grant corrigé d'après A. pont,
1293		Haïne ne mort ne tempeste,
1294		Ne päour de copper la teste.
1295		Besoing oncques riens ne doubta,
1296		Raison ne quist ne escouta.
1297		Besoing paradiz ne desire,
1298		N'enfer ne prise un peu de cyre.
1299		Certes cincq piez ou mouton quiert
1300		Qui Besoing de Raison requiert.
1301		Besoing ne quiert honte n'honneur,
1302		Ne supporte grant ne meneur.
1303		Besoin ne scet que est savoir.
1304		Besoing n'amasse nul avoir,
1305		Ne voit ce qu'a Raison affiert,
1306		Mais que il ait ce qu'il requiert.
1307		La Chievre qui besoing avoit,
1308		Comme celle qui bien sçavoit
1309		Que eschapper ne peut de mort
1310		Siques soit droit ou mal ou tort,
1311		De cest pas issir lui convient.
1312		De pluiseurs souvenirs souvient
1313		Cellui quiRaynaud corrige en cui. grant besoing argue.
1314		Adoncques s'avisa Barbue
1315		De deux matins qu'elle nourry
		<Lesquelz elle avoit bien nourry>Vers excédentaire.
1316		Suz frere Gombert le Pourry.
1317		Une lysse ot frere Gombaulx

[10b]

1318		Qui avoit [eu] entre deux saulx
1319		Deux matins ; mais quant ilz nasquirent
1320		Par le lisse petit acquirent,
1321		Car le Loup, ains qu'il fust trois jours,
1322		<Ne> Le menga, dont fut grans doulours.
1323		Frere Gembaulx <a> quiRaynaud corrige en cui. elle fu,
1324		Pour l'amour qu'a elle ot eü,
1325		Voult faire aux jones chiens ayeue :
1326		Si les fist nourrir a Barbue.
1327		Tant y mist celle entente grant
1328		Qu'ilz furent fors, rade et poissant.
1329		Lors pensa : « Grans biens je leur fis :
1330		Au besoing voit on ses amis. »
1331		Sans regarder ne hault ne bas,
1332		A eulx s'en va plus que le pas,
1333		Disant : « Par eulx m'estuet saillir.
1334		A eulx ne doy je pas faillir.
1335		Povre, maigre, vieille devien,
1336		A honte et a grant dangier vien. »
1337		Plourant sa vieillesse y aloit
1338		Et son vivre qu'on lui ostoit.
1339		Lors les matins la regarderent.
1340		Tous deux contre lui se leverent.
1341		Pluiseurs bestes cognoissent bien
1342		Ceulx qui leur ont fait aucun bien.
1343		Mais au monde a assezRaynaud corrige en assez de. gens
1344		Qui en bien sont si neggligens
1345		Que leurs bienfaicteurs ne ravisent,
1346		Ains les blasment et les desprisent,
1347		Ne ne leur souvient des bienfais
1348		Que les preudhommes leur ont fais :
1349		Bien perdus sont, bien dire l'os.
1350		Or reviendray a mon propos :
1351		Les deux matins le saluerent,
1352		Et promptement lui demanderent :
1353		« Volez vous riens que puissons faire ?
1354		Nous sommes prest a vozRaynaud corrige en vo. affaire.
		<N'espargniez point nostre contraire>Vers excédentaire

[10c]

1355		N'espargnerons traveil ne paine
1356		Pour vous, de ce soyez certaine. »
1357		Quant Barbue la parolle oÿ,
1358		Dedens son cœur s'en esjoÿ
1359		Et dist : « Grant merchys, humblement,
1360		Qui bien sert, bon loyer atent,
1361		Et qui le mauvais servira
1362		Lui mesmes se asservira.
1363		CilMs. Cellui. pert son tamps, s'honneur, sa paine
1364		Qui du mauvais servir se paine.
1365		Seigneurs, a moy or entendés,
1366		Vous qui a guerredon tendés.
1367		Unes des grans vertus qui soit
1368		A tout homme qui se cognoit
1369		Ne qu'en cest siecle doye avoir,
1370		C'est de bien cognoistre le voir
1371		De son amy et de ses fais
1372		Qui lui a pourchassés et fais,
1373		C'est qu'il cognoist son bienfaicteur
1374		Et aussi cil qui est nuiseur.
1375		Qui ce cognoist, a bien c'est mis.
1376		Salomon dist : « Loyaulx amis
1377		Si est medecine de vie. »
1378		E[t] Tulles dit (n'en doubtez mie,
1379		Il dist voir et bien l'aperchoy),
1380		Que cil qui ne scet amer soy,
1381		Comment scet il un autre amer,
1382		S'il n'a le cœur fol ny amer ?
1383		Qui scet bien amer loyaulment,
1384		Et se le saigeRaynaud corrige en saiges. homs ne ment,
1385		Ja le fol amer ne sçaira,
1386		Ne le bon gre d'autruy n'ara.
1387		Et Tulles dist en un dictié
1388		Qui touche la loy d'amistié
1389		Que je truis escript en son livre,
1390		Que il baille a tous et delivre :

[10d]

1391		« Amis, dist il, je te commant,
1392		Aime ton amy tout autant
1393		Comme certainementRaynaud corrige en tous noz membrez d'après A. s'antraiment
1394		Et com de fait amys se claiment. »
1395		Et drois est que je le vous die,
1396		L'un membre n'a de l'autre envie.
1397		Mais l'un l'autre embelir vouldroit
1398		Et donner grace, s'il pooit.
1399		Et chascun membre par esgart
1400		Son service a l'autre depart.
1401		Se l'un des membres l'autre griefve,
1402		Prinse en est la vengance briefve.
1403		Se l'un des membres est irés
1404		Ou par quelque cas empirés,
1405		Tous les autres en ont douleur
1406		Autant ou prez que de la leur.
1407		A tous les membres douleur vient,
1408		Quant li un en douleur se tient.
1409		Et n'ont de santé nul pouoir
1410		Tant commeRaynaud corrige en com. lui sentent mal avoir,
1411		Bon jour, bon goust ne bonne nuyt,
1412		Tant comme l'un des membres cuyt.
1413		Et quand delit vient a un membre,
1414		A tous les autres en ramembre.
1415		Et ont joye naturelementRaynaud corrige en naturelment.,
1416		Quant l'un en sentent lÿement.
1417		Et se d'aïde il a mestier,
1418		Trestous y vont pour lui aidier.
1419		Chascun y coeurt pour garandir,
1420		On n'en verra nul ressortir.
1421		Estre veuillent mors ou lardés,
1422		Ains que l'autre ne soientRaynaud corrige en soit d'après A. gardés.
1423		Ne va pas l'un l'autre esveillant :
1424		Tout a un cop y vont saillant.
1425		Tout ensamble mort rechepvront,
1426		Ou leur compaignon rescourront.
1427		A toute heure et loingRaynaud corrige en et de loing. et prez.

11

[11a]

1428		L'un de l'autre secourre est pres.
1429		Quant l'un des membres a päour,
1430		Tous les autres y ont fraiour.
1431		Se l'un des membres rechoit bien,
1432		Tantost dira a l'autre : « Tien ! »
1433		A tous leur porcïon depart,
1434		N'en retientMs. retiengs. fors sa droicte part,
1435		Ja l'un n'en ara le meilleur.
1436		S'autrement est, c'est grant douleur.
1437		Se l'un des membres rechevoit
1438		Le bien que l'autre avoir devroit,
1439		Il ne feroit mie que saige,
1440		Trop aroit cilMs. cellui. mal avantaige,
1441		Perduz en seroit, par sainct Leu,
1442		L'un pour le trop, l'autre pour peu.
1443		Se l'un retient sans repentir,
1444		N'en peut passer sans departir.
1445		Se l'un des membres est plus lais
1446		Ou par Nature il est piz fais,
1447		Les autres membres le confortent,
1448		Coeuvrent sa honte et le deportent.
1449		Se l'un a mal, en son[t] yrié.
1450		Se a honte, tout empirié.
1451		Ainsi se doivent entre amerRaynaud corrige en entramer.
1452		Amis l'un l'autre sans amer.
1453		Salomon dit : « Tenez de my,
1454		Homs qui desprise son amy,
1455		Il est monlt povre de savoir
1456		Et ne devroit ja loz avoir. »
1457		Encoires Salomon raconte,
1458		Si commeRaynaud corrige en com. je le truis en son compte :
1459		« Pourte a ton amy loyaulté,
1460		Et s'il est povre, fëaulté. »
1461		Le philosophe le nous dit.
1462		Comme nous trouvons en escript
1463		Ou il dist que deux homsRaynaud corrige en homme d'après A. estoient
1464		Qui l'un l'autre monlt fort amoient.

[11b]

1465		Ly dyserre dit et affiche
1466		Que l'un fut povre et l'autre riche :
1467		Le philozophe dit pour voir
1468		Que l'un des deux ne peut avoir
1469		Plus que l'autre des biens plenté,
1470		S'amour ne cloche d'un costé,
1471		Car s'amistié eült entre yaux,
1472		Leurs biens fussent tous communaulx.
1473		« Pour ce, en dit Tulles, a mon gre
1474		Qu'amistié ne seuffre degré. »
1475		Senecques en redist un point
1476		Doulx, gracïeux et bien a point :
1477		« Mieulx vault morir lez son amy
1478		Que vivre prez son ennemy. »
1479		Encoires d'amistié treuve on
1480		Es proverbes de Salomon :
1481		Dist : « Se ton amy est tachiés,
1482		Chiellez et coeuvre ses pechiés.
1483		SaRaynaud supplée Et. requeste achievera[s]
1484		Tout le plus brief que tu porra[s]. »
1485		On doit estre loyaux amys
1486		CommeRaynaud corrige en Com. Porphilïas et Athys,
1487		Qui compains et amys estoient
1488		[Et] l'un l'autre monlt fort amoient.

1489		Porphilïas si fut de Romme,
1490		Athys de Grece, c'est la somme.
1491		En cellui tamps toute haultesse
1492		Et trestout estat de noblesse
1493		Estoit en Grece herbergie,
1494		Et a Romme toute clergie
1495		Pour noblesse prendre et avoir.
1496		Porphilïas, riche d'avoir,
1497		Vint en Grece a toute sa gent.
1498		La tint son estat bel et gent.
1499		Compaignie print a Athis,
1500		Loyaux lui fut et ententis
1501		A faire trestout son voloir.

[11c]

1502		Athis, qui tant pooit valoir,
1503		Qui en Grece grans biens avoit,
1504		Vit Porphilïas qui estoit
1505		Trestout meü a lui servir.
1506		Lors lui vault, le fait desservir,
1507		Car monlt l'ama de cuer loyal.
1508		Tant furent a l'autre fëal
1509		Que leur cœur, leur corps, leur avoir
1510		N'estoit que un, a dire voir,
1511		Tant estoient loyaulx amis.
1512		Lors advint les parens Athis
1513		De le marïer le semonnent
1514		Et a CardïonnéRaynaud corrige en Cardïonnet. le donnent,
1515		La plus belle qu'on sceüt querre
1516		Par le paÿs et par la terre.
1517		Quant Porphilïas deust savoir
1518		Que femme deust Athis avoir,
1519		Et en ses atours l'eust veüe,
1520		La pensee en eust esmeüe,
1521		Et si fors au cuer lui entra
1522		Que par maladie acoucha.
1523		Athis ne autre ne savoit
1524		QuelRaynaud corrige en Quelle. maladie il avoit.
1525		Trestout le corps lui alenti
1526		Et tout le cuer lui dementi.
1527		Le goust perdy, la mort voloit,
1528		Et chascun dit que il moroit.
1529		Athis avoit si grant doulour
1530		Qu'il voulsist pour la sienne amour
1531		Que unRaynaud corrige en Qu'un. des membres on lui copast,
1532		Et son compaignon eschappast,
1533		Ou que il morut tout errant.
1534		Un jour vint a son lyt plourant
1535		Et devant lui s'agenoilla,
1536		Tout de ses larmes le moilla :
1537		« Franc compains, dist il, parle a moy.
1538		Je tiens des saiges et le voy,

[11d]

1539		Se tu meurs de melancolie,
1540		NulRaynaud corrige en Nule. autre douleur ne te lie.
1541		Si m'en voulez tout le voir dire
1542		De ton desirer et de t'ire :
1543		Avoir, honneur et ame et corps
1544		Voeul perdre pour t'en mectre hors,
1545		Et de ce me voeul desvestir
1546		Pour toy de santé revestir.
1547		Si te requiers par la grant foy
1548		Que j'ay des lors eüe a toy
1549		Que tu fuz en Grece venus
1550		Par compaignie a moy tenus,
1551		Que tu me diesMs. diz. quel mal as. »
1552		Lors repondit Porphilïas :
1553		« Compains, dit il, ains me lairoye
1554		De mort morir, et droit aroye,
1555		Que ja a vous n'a aultrui die
1556		La cause de ma maladie. »
1557		Quant Porphilïas ot ce dist,
1558		Athis entre ses braz le pristMs. ses le tinst (corrigé d'après A)..
1559		TantMs. tans. lui prie de descouvrir,
1560		Que cil lui va le mal ouvrir
1561		En la maniere qu'il estoit,
1562		Pour quoy, de quoy le mal sentoit.
1563		Aussi tost comme Athis le vy,
1564		En son cœur monlt s'en esjoÿ.
1565		Se toute sienne Grece fust,
1566		Si grant joye a son cœur n'eüst :
1567		« Compains, dist il, cinc cens mercys,
1568		Quant pour cy peu serez garys,
1569		Car ce pour mes membres copper
1570		Vous pooie vozRaynaud corrige en vo. mal hoster,
1571		Trestous copper les me lairoye.
1572		Encoires plus, se je povoie.
1573		Or vous levez appertement,
1574		Car je vous jure loyaulment,
1575		Combien que giseRaynaud corrige en je gise. en son lyt,

12

[12a]

1576		N'aray a lui privé delit,
1577		Ne ja volenté n'en aray.
1578		Ainchois pour vous je la merray.
1579		Compains, en santé vous tenez :
1580		Des cy CardïonésRaynaud corrige en Cardïonet. arez.
1581		Avecques lui m'iray couchier.
1582		Quant minuit vouldra approchier,
1583		Du lyt tantost me leveray,
1584		Et tost hors de la chamb<e>re iray.
1585		A vostre voloir y vendrez
1586		Et vostre voloir en ferez.
1587		Tant demourrez qu'il vous plaira.
1588		Et puis, amys, retournez cha.
1589		Et je tantost retourneray
1590		Comme cilMs. cellui. qui plus n'i toucheray.
1591		Et puis quant sera descouvert,
1592		Lors le prendrez tout a ouvert.
1593		A vostre plaisir le tenrés,
1594		Comme la vostre l'emmerrés. »
1595		Porphilïas, quant il entent
1596		L'amour que son compain li tent,
1597		De ce present forment ploura,
1598		Et humblement l'en mercÿa.
1599		Athis de tresgrant meschief plains
1600		A son hostel va ; la c'est plains,
1601		La se prinst fort a doulouzer
1602		Et de pitié de cœur user.
1603		Pleure de cœur parfondement
1604		Et dist : « Las ! moy chetif, dolent !
1605		En ce monde ne sçay pïeur
1606		Que je suis, ne plus plain d'orreur !
1607		Cardïonnés, ma chiere amye,
1608		EncoireRaynaud corrige en Encoir. n'ay en vous trouvé mye
1609		Deffault en fait, n'en dit, n'en voye,
1610		Par quoy dessevré de vous soye.
1611		― Cardïonnés, ce dist Athis,
1612		Et pour quoy ay je esté atis

[12b]

1613		De vous avoir a espousee ?
1614		Par loy m'avez esté donné,
1615		Par nature et par charité.
1616		Et pour l'amour de verité,
1617		Cardïonnés, je vous amoye,
1618		Et Dieu avoit veü la voye
1619		Pour quoy acompaigniés estoiemes.
1620		Par nature nous entramiesmes,
1621		Par droit, par loy et par raison.
1622		Par moy est la grant mesproison
1623		Pour quoy nous sommes departy ?
1624		Pour quoy ne m'est le cuer party ?
1625		Pour quoy, diz je, je vous quictoie ?
1626		Pour quoy ay je quis ceste voie,
1627		Dit un tel mot desordonné ?
		<Dont je suis fort entalenté>Vers excédentaire.
1628		Ch'a fait <le> dyable a qui suis donné,
1629		Qui cœur et corps ainsi me lye,
1630		Quant ja par ma tresgrant folye
1631		Celle qui tant est bonne et belle,
1632		Qui vers moy a pensee loyalleRaynaud corrige en pensee a loyelle.,
1633		Ay si vilainement trahie,
1634		Sans cause et raison deguerpie !
1635		Ha ! tresbonne amie loyaulx,
1636		Tu me crois estre si fëaulx !
1637		Tu crois qu'avant perdroie la vieRaynaud corrige en perdroie vie.
1638		Que te voulsisse avoir trahie
1639		Ou que te voulsisse guerpir.
1640		Ainçois me lairoye morir,
1641		Que je pour un homme estrangier,
1642		JeRaynaud supplée Que. te voulsisse eslongier !
1643		Cardïonnés, je te juray
1644		Qu'a toy foy, loyaulté aray.
1645		Si feïz tu, quant tu me pris.
1646		Mais tu n'y as de riens mespris.
1647		Car tu me portes grant honneur,
1648		Et je te fay grant deshonneur !

[12c]

1649		Hé ! mort, viens moy oster la vie,
1650		Quant de moy se depart m'amie,
1651		Qui tant est bonne et de cœur m'aime ! »
1652		Ainsi Athis pour fol se claime :
1653		« Las ! qu'ay dit ? Pour quoy me repens ?
1654		Las ! qu'ay dit ? Et que ne me pens ?
1655		Veuil je laissier la mort avoir
1656		Amy qui vault trestout avoir ?
1657		Est il nul qui monstrast a my
1658		Qui soit meilleur tresor d'amy ?
1659		Est il riens qui amy passast ?
1660		Est il nul qui compter l'osast,
1661		Ne qui jamais compter le puist
1662		A nulle chose qui le truist ?
1663		Car se cent ans vit homs sur terre,
1664		Et il peut un amy acquerre,
1665		Tenir s'en doit pour apaiés,
1666		Ne puis ne doit estre esmaiés.
1667		Blanc corbel trouveroit avant
1668		Et un asne cornu devant
1669		Et la mer partie par my
1670		Que il trouvast un bon amy
1671		Tel comme cy devant ay dit.
1672		Hellas ! Thulles en dit un dit
1673		En ceste pa<r>ge precedent,
1674		Et tel est le mien par convent.
1675		Et qui ad ce que nul ne preuve,
1676		Bon amy, sans ja faire espreuve,
1677		Si commeRaynaud corrige en com. je l'ay, certains en suis,
1678		Au quel bien compter je le puis,
1679		Fors que Paradis proprement
1680		Nul en y a certainement.
		< Fors que Paradis proprement>Ver doublé.
1681		Et se j'ay une bonne femme,
1682		De bon lieu et de tresbon fame,
1683		Femme est, je n'y voy autre voye.
1684		Se tesRaynaud corrige en telles. quatorze en avoye

[12d]

1685		Et demain trestoutes moroient
1686		L'endemain .xxviij. aroient.
1687		Aprés celles, cincquante six.
1688		Ainsi y est le cas assis :
1689		De femmes peut assez avoir
1690		Qui a volonté et avoir
1691		(On en voit plus que de cornés
1692		Qui trestoutes n'ont les corps nés).
1693		Femmes adez assez avra,
1694		Mais amys trouver ne porra,
1695		Se ce n'est pour Fauvel torchier.
1696		Tel amy ay <je> pour trop peu chier.
1697		Assez en est qui en vouldroit,
1698		Et aucuns dire ne porroit :
1699		« La pareille ne trouveroies
1700		Se en douze citez queroies. »
1701		Au mien adviz, nul ne doit croire
1702		Que ceste parolle soit voire.
1703		N'est si bonne qu'aussi ne soit :
1704		Ses meurs, sa nature rechoit
1705		Dés le jour de sa nacïon
1706		Vit par continuacïon,
1707		Meurs femenins acquiert et veult.
1708		Nature aultrement ne le veult.
1709		Nature rend se qu'elle doit.
1710		Femme est et femme se cognoit.
1711		Bien est par constellacïon,
1712		Par la vieRaynaud corrige en Par vie. de sa nacïon,
1713		Selon la planette et le point
1714		Ou quel sa nativité point,
1715		Que l'une est mieulx moriginee,
1716		De meurs et de biens aornee
1717		Selon le cours du mouvement,
1718		Que n'est l'autre certainement,
1719		Pour continuer nourreture
1720		Qui fait grande aÿde a Nature,
1721		Ou d'estre bien endoctrinee,

13

[13a]

1722		Et de bonnes gens gouvernee
1723		Qui ont honte de folie faire.
1724		Ce peut monlt a Nature plaire,
1725		Pour ce vault mieulx l'une que l'autre.
1726		Ce n'est le cas, il n'y a autre.
1727		Car toutes ont par nacïon
1728		Femenine complexcïon.
1729		Qui sur s'amour fonde bon euvre,
1730		De nesge et de glace se coeuvre.
1731		Maint homme coeuvre tel foleur.
1732		La meilleure femme est la leurMs. cest labeur (corrigé d'après A)..
1733		Et femmes naturelement,
1734		Toutes, se verité ne ment,
1735		En ferme cuidier sans savoir
1736		Ja ne scerroient nul homme avoir,
1737		Tant soit saige ne de bon estre,
1738		Que ne croyent la pÿeur estre.
1739		Pour le pis mariee se tient.
1740		Adez tel nature lui vient,
1741		Et cause y a, sachiez de vray.
1742		Mais orez point ne le diray,
1743		Car devant elle le diroye
1744		Qui diroit que je mentiroye :
1745		Pour ce doit bien avoir diffame
1746		Homs qui pert bon amy pour femme. »
1747		Tout ainsi tenche a lui Athis.
1748		Sa fin fut qu'il fu ententis
1749		De son bon amy recouvrer,
1750		Car assez peut femme trouver.
1751		La convenence a lui promise
1752		Lui a touteRaynaud corrige en Toute li a. a effect mise,
1753		Combien que acomplir le grieve.
1754		Toutes les nuytz il se relieve
1755		De son lyt et dehors se tient,
1756		Et PorphilïasMs. pouphilias. au lyt vient,
1757		Et fait son voloir de la belle :
1758		Athis l'atent en la prayelle.

[13b]

1759		Cardïonés ainsi decheut
1760		Qu'elle de riens ne s'appercheut
1761		De jour le tient comme sa femme,
1762		Et de nuit lui fait tel diffame.
1763		Blasmés doit estre, non pas elle,
1764		Quant tout le fait ainsi lui celle,
1765		Car pour loyal mary le tint.
1766		Une grant piece se maintint
1767		Ceste mesproison et cilz jeux
1768		Que nul ne le sceut que eulx deux,
1769		Tant que une foiz se descouvri
1770		Et a CardïonésRaynaud corrige en Cardionet. l'ouvri.
1771		Honte eust, mais honte s'appaisa,
1772		Et quant elle bien s'avisa,
1773		Senty et juga comme femme :
1774		« Sur Athis soit tout le diffame ! »
1775		Quant tout ce fust bien apaisié
1776		EtRaynaud corrige en Et fut. le peuple asserisié
1777		Pour autre[s] besongnes oÿr,
1778		Lors voult Porphilïas joÿr
1779		DeRaynaud supplée Et. sa femme et de s'amye.
1780		En Grece ne demoura mye :

[13c]

1781		Quant son oirre out appareillié,
1782		A son compaignon print congié.
1783		Vers Romme c'est acheminés
1784		Dont il estoit nourriz et nés.
1785		CardionnésRaynaud corrige en Cardionnet. s'amie emmaine,
1786		Qui au partir eult monlt de paine.
1787		Son paÿs laisse et ses amis.
1788		De larmes tout couvert le vis,
1789		Dit : « Las ! je pers ma nourreture,
1790		Et mon paÿs et ma nature.
1791		Jamais retourner n'y porray,
1792		Je le sçay bien : ainchois morray.
1793		Ha ! Hatis ! c'est par ta folie
1794		Que de mon paÿs suis partie »
1795		Lors prindrent [voie], si s'esmurent :
1796		Tant cheminerent qu'a Romme furent.
1797		Porphilïas si fut a Romme
1798		Tenu pour un tresvaillant homme.
1799		De grant lignage fut assez,
1800		Et la fut il monlt honnourez.
1801		Cardïonés bien se maintint,
1802		CommeRaynaud corrige en Com. saige advisee se tint,
1803		Et il commeRaynaud corrige en com. bien emparentés,
1804		De tous les plus grans fut hantés :
1805		Maistre fut, sire, senateur,
1806		JugeRaynaud corrige en Juges. honnouré et docteur.
1807		Des plus grans il acquist l'amour,
1808		Et sa femme eult parRaynaud supplée touz d'après A. honnour.

1809		De Porphilïas vous lairay
1810		Et de Athis je vous diray
1811		Qui en Grece fut demourez,
1812		De tous ses parens forjurez,
1813		Des amys CardïonésRaynaud corrige en Cardionet. si,
1814		Qui sans loz, sans cas et sans si,
1815		Voulsissent que il fut honnys,
1816		Tant fut de toutes gens haÿs,
1817		Qui tous lui tollirent s'honneur,
1818		Aussi le grant que le mineur.

[13d]

1819		Tant fut feuez et envahis
1820		Que il me[ï]smesRaynaud préfère corriger en il soy mesmes. c'est haÿs
1821		Et desconforté en partie.
1822		Car nul ne fut de sa partie,
1823		Ne il ne scet tant procurer
1824		Qu'il sceusist en paix demourer.
1825		Et le commun renom estoit
1826		Que sa femme vendue avoit.
1827		Lors dist Athis : « Porphilïas,
1828		Ou dangier ou je suis mys m'as !
1829		J'ay perdu amys et avoir
1830		Et grace et chevance et savoir
1831		Vëoir t'iray prochainement :
1832		Puis que ne truis recouvrement,
1833		Vëoir iray jeMs. se. mes amys. »
1834		Adoncques c'est a chemin mys,
1835		Povre, matz et desconfortés,
1836		Tant c'est par journees portés
1837		Que il est a Romme venus.
1838		Avec les povres c'est tenus.
1839		De Porphilïas encercha.
1840		Tant en enquist et demanda
1841		Qu'il sceut que grant honneur avoit
1842		Et que senateur il estoit.
1843		Et il se vit chetifz et nulz,
1844		Et d'estrange paÿs venuz,
1845		Sans cognoissance et sans amis.
1846		Adoncques c'est a plourer mis
1847		De cœur si trespar[fon]dement
1848		A peu que le cœur ne lui fent,
1849		Tant est matz, povreRaynaud corrige en povres. et plain d'ire.
1850		Ses poings detor[t], ses cheveulx tire,
1851		Et dit : « Las ! Que suis venus<t> <t>quairre ?
1852		Povres estoieRaynaud corrige en estoie je, ce qui rend le vers hypermétrique sauf à considérer qu'il y a une césure féminine. en ma terre.
1853		Au moins cogn[e]üs y estoie,
1854		Pour ce que parens y avoie.

14

[14a]

1855		Se cellui aloye vëoir
1856		Pour qui j'ay perdu mon avoir,
1857		Tantost qu'il me porroit tenir,
1858		Pendre me feroit ou honnir.
1859		Tout ainsi certes en iroit,
1860		Car vergongne de moy aroit.
1861		Droit aroit, commeRaynaud corrige en com. du plus meschant
1862		Qui soit en ville ny en champ :
1863		Plus meschant oncques ne parla. »
1864		Lors entour les murs s'en ala.
1865		Les une citerne se boute,
1866		CommeRaynaud corrige en Com. cilMs. cellui. qui de deuil ne vit goute
1867		Qui n'oze entrer en la cité.
1868		La furent ses deux recité,
1869		La povreté ou il demeure
1870		Et dist : « Hé ! mort, c'or me deveure ! »
1871		Monlt forment se desconfortoit.
1872		Ainsi qu'en son meschief estoit,
1873		Trois hommes les lui se meslerent,
1874		Tant que les deux le tiers tuerent
1875		Tout proprement de coste AthisMs. thais..
1876		Cilz en fuient qu'ilz ont occis.Raynaud corrige en Cil s'en fuient qui ont occis.
1877		Tantost les gens au lieu alerent.
1878		Le mort delez Athis trouverent.
1879		Le juge qui les murdriers quist
1880		La trouva Athis et le prist,
1881		Et tout en hault lui a hué :
1882		« Dy voir, qui cestui a tué ? »
1883		CilMs. cellui. qui desconforté estoit
1884		Et qui du tout sa mort hastoit,
1885		Et qui ne queroit autre fait,
1886		Respondit : « Seigneur, s'ay je fait,
1887		Car il vers moy avoit mesprins. »
1888		Lors fust tantost lïez et prins,
1889		Et fut mené en la prison
1890		[…]Vers manquant ; Raynaud supplée A grant tort et a mesprison d'après le sens du v. 1998.
1891		En cellui tamps a Romme avoit
1892		Une coustume, et telle estoit,

[14b]

1893		Quant aucun avoit murdre fait
1894		Ou larrechin, pour le meffait
1895		En un treshault lieu estoit mys
1896		D'encoste le palaix assis.
1897		Enchainés la on l'assëoit,
1898		La tout le peuple le vëoit.
1899		Illec les senateurs venoient :
1900		Son fait, sa cognoissance oioyent,
1901		Son fait cogneu, sans le garder,
1902		Jugiez estoit sans retarder
1903		Selon ce pour quoy il est mis.
1904		La fut mené le povre Athis.
1905		Athis fut mis en la ch[a]ainne
1906		Comme murdrier souffrant grant plaine.
1907		Chascun c'est devant lui tenus,
1908		Tout le peupleRaynaud corrige en peuples. y est venus,
1909		Les senateurs venus y furent,
1910		Tous ceulz qui de tel fait cognurent,
1911		Et demanderent : « Dy, amis,
1912		As tu doncques cestui occis ?
1913		― Oÿ, dist il, certainement :
1914		Faictes de moy le jugement. »
1915		Porphilïas, qui estoit la,
1916		En regardant bien l'avisa.
1917		A la parolle, au corps, au vis
1918		Bien le cognut par droit advis.
1919		Tout le cœur lui esvanuÿ
1920		Et trestout le sens lui fuÿ.
1921		A terre le convint venir,
1922		Car sur piez ne se peut tenir.
1923		Trestout fut tresmués et tains,
1924		De toutes laides couleurs plains,
1925		Et dit de cœur : « Las ! que je voy
1926		Cellui qui a perdu pour moy
1927		Honneur, chevanceRaynaud corrige en Honneur et chevance. et richesse,
1928		Joye, deduit, honneur, noblesse,
1929		Son paÿs, son corps et s[on]Raynaud corrige en Son paÿs et son corps, mais notre auteur utilise ailleurs son avec ame. ame,

[14c]

1930		Et pour moy meurt a tel diffame !
1931		Pour moy a perdu ses amys !
1932		Pour moy a honteuse mort mys !
1933		Pour moy mest vie a dampnement,
1934		Son corps a mal definement !
1935		A honte en veult son corps offrir !
1936		Comment porroye ce souffrir ? »
1937		Lors se lieve et enhardistRaynaud corrige en et se enhardist.,
1938		A tous les senateurs a dist :
1939		« Seigneurs, ne vueil vers Dieu pechier
1940		De ce povre homme empeschierRaynaud corrige en empeeschier.,
1941		Ne qu'il meure pour moy a tort !
1942		Car, pour vray, j'ay cest homme mort :
1943		Sachiez de vray hier je l'occis.
1944		Ostez le, et je y soye mis,
1945		Car couppe n'y a vraiement,
1946		Je le vous jure loyaulment. »
1947		Lors y eult grant deuil demené
1948		De tous ceulx qui la ont esté.
1949		Dirent : « Sirez, ne dicteRaynaud corrige en dictes. mie
1950		Ceste raige, ceste folie.
1951		Laissiez lui souffrir son martire,
1952		Trestous lui dirent tire a tire.
1953		ARaynaud corrige en Dit. Athis qui toudis se juge :
1954		« N'est nul qui l'ait occis que je »,
1955		Porphilïas dist aultrement :
1956		« Ne le crëez, seigneurs, qu'il ment.
1957		Cilz homs fut occis de ma main.
1958		Oncques ne le soir ne le main
1959		Ne viz cilMs. cellui. qui est enchainés,
1960		Ne je ne sçay dont il est nez.
1961		Droicte folie lui fait dire,
1962		Ou ce qu'il est entrés en ire. »
1963		Dit Athis : « Il dit grant merveille !
1964		Il dort et il samble qu'il veille !
1965		Cest murdre fiz ersoir de nuyt.
1966		Delivrez moy, ne vous anuyt. »

[14d]

1967		A Romme ot lors grant troublement
1968		De toutes gens communement.
1969		Longues en debat demourerent.
1970		Lors les saigesRaynaud corrige en saige. a conseil alerent :
1971		Le conseil sceÿ sur ce fait :
1972		« Chascun d'eulx deux dist qu'il l'a fait :
1973		Peut estre cestui le tua,
1974		Et l'autre au tuer lui aida.
1975		Chascun d'eulx murdrier se cognoit.
1976		Cui qui soit [bel]Suppléé d'après A. ne qui qu'ennoit,
1977		Chascun le jugement avra
1978		Tel commeRaynaud corrige en Com. murdrier avoir debvra. »
1979		Adont fut Porphilïas pris,
1980		Que ne demoura pour son pris,
1981		Pour son sens ne pour ses bontez
1982		Ne fust en la chaynne boutez
1983		Et fermé bien estroictement.
1984		Lors font doeuil tout communaument.
1985		Chascun vient vëoir la merveille :
1986		Nulz homs ne vyt mais la pareille.
1987		― Seigneurs, dist Barbue, entendez
1988		Vous qui [a] bonne amour tendez,
1989		Que Dieu noble tresor a mis
1990		En honneurRaynaud corrige en homme. qui veult estre amis.

15

[15a]

1991		Nul ne porroit le bien esmer
1992		Que cil a qui bien veult amer.
1993		Pourphilïas monlt bien ama
1994		Qui son corps et s'honneur livra
1995		Et tous ses biens voult deguerpir
1996		Pour le sien amy garandir.
1997		En la chaynne sont en prison
1998		A grant tort et a mesprison.
1999		Illecques morront sans demeure.
2000		Lors en la ville ne demeure
2001		Nulz qui [ne] le viengne esgarder.
2002		Lors ne se porrent retarder
2003		Les deux qui occis l'homme avoient,
2004		Quant ilz entendent et ilz voient
2005		Ceulx qui pour leur meffait sont prinsRaynaud corrige ici en pris ; il ne corrigera plus par la suite dans des circonstances analogues..
2006		Entre les gens se furent mis
2007		Pour savoir et pour escouter
2008		Ce qu'ilz deüssent bien doubter.
2009		Mais qui sent son cul ortïer,
2010		Envis se tient de fremïer.
2011		Le saige dist, bien le tesmoing,
2012		Que envis est mal sans tesmoing
2013		De vëoir, de langue ou d'oÿr.
2014		Fort chose est de mal bien joïr,
2015		Com on dit que trop grater cuit
2016		Et aussi que trop parler nuit.
2017		Les deux qui l'homme eurent occis
2018		Se furent en la presse mis.
2019		Disoient : « Cilz sont oultrageux
2020		Qui pour noz faiz ou pour noz jeux
2021		Se mectent en telle ballance,
2022		Que chascun a le mort se lance.
2023		Et si savons tout proprement
2024		Que quancques chascun dit il ment.
2025		Mieulx deuïssons la mort souffrir
2026		Que ceulx qui s'i veullent offrir
2027		Et qui se livrent a martire. »

[15b]

2028		Nulz fors dyables ne leur fait dire.
2029		Un preudoms matz, mal atirez,
2030		S'en fut un peu lez eux tirez,
2031		De qui garde ne se donnoient,
2032		Ne point prez d'eulx ne le vëoient.
2033		Ce preudoms bien les entendi.
2034		Tantost vers le[s] juges tendi
2035		Et leur ala compter a tire
2036		Les motz com il les oÿ dire.
2037		Lors maintenant les juges vindrent,
2038		Et promptement tous les deux prindrent.
2039		Et ceulx sans eulx mectre a meschief
2040		Cognurent le moyen et chief
2041		De la verité et du fait,
2042		Dont fut d'eux le jugement fait.
2043		En la chaynne furent boutez,
2044		Athis et Porphilias ostez.
2045		Ne vous est par moy recité
2046		La joye qui fut en la cité.
2047		Porphilïas Athis emmaine.
2048		Toute la joye, toute la payne
2049		Qui peut a lui honnourer met.
2050		De lui servir bien s'entremet.
2051		Tousjours de puis si se maintindrent,
2052		Un voloir, un sentier si tindrent.

2053		Et pour ce vous diz, en nom Dieu,
2054		Or soyez mien, car vostre sieu.
2055		Amez moy, comme iceulx firentRaynaud corrige en iceulx le firent.
2056		Qui tout leur cœur en amour mirent.
2057		Loyal cœur desire a amer
2058		Plus qu'il ne fait lui faire amer.
2059		De tant est plus en vertu mis
2060		Ly amans que n'est ly amis.
2061		Et aussi je vous veuil apprendre
2062		De tant [com]Suppléé d'après A. donner passe prendre.
2063		Qui une questïon feroit
2064		Ou quel plus grant vertu aroit,

[15c]

2065		Ou en cellui qui tresbien ayme,
2066		Ou en cellui qu'amy se claime,
2067		Maint en seroient en discord.
2068		Mais tout autant que va plus fort
2069		De l'asne ly levrier gentieulx,
2070		Cellui qui bien ayme vault mieulx.
2071		Car cil qui ayme est le donneur.
2072		L'autre est prenant et detenteur.
2073		Encor vous dys de Salomon :
2074		« Beaulx filz, dist il, je te semon,
2075		Se ton amy rien te requiert
2076		Et t'aÿde ou ton conseil quiert,
2077		(Ja ad ce dire n'aprenras),
2078		Vaz t'en, et demain revenras,
2079		Car requeste que on atent
2080		A acomplir, a meschief tent,
2081		Car sçavoir [doiz]Suppléé d'après A., se tu riens scés,
2082		Cil qui requiert l'achat assez. »
2083		Et Thules dist : « Grant chose est, voir,
2084		D'un bon loial amy avoir :
2085		Mieulx vault amy que parenté.
2086		Myeulx qu'amy sens et loiauté.
2087		De bonne heure est cilz nez, pour voir,
2088		Qui poeult sens et amis avoir. »
2089		De parens faintiz di je sy :
2090		Point ne les croy, ne ne m'y fy.
2091		Car Thules dit tout proprement :
2092		« Myeulx vallent amis que parent »
2093		Mais quant parent devient amis,
2094		Grant grace Dieu a en luy mis.
2095		Icil doit estre amis clamés
2096		Et sur toutes choses amés.
2097		Et la cause en voeul averir :
2098		Entre amis poeut amour perrir
2099		Et le renom d'amistié fuireMs. luire (corrigé d'après A)..
2100		Mais combien qu'entre parens muire
2101		Et soient haïneulx parens,

[15d]

2102		Adez remaint nom de parens.
2103		Les bon s'entrayment sans faintiéMs. faintise (corrigé d'après A)..
2104		Et Thules dit que amistié
2105		Ne dure s'entre les bons non.
2106		Encor nous redist Salomon
2107		Que homs amïable et loyaulx
2108		Doit estre tenu pour fëaulx.
2109		Je vous ay cy retrait et dit
2110		Ce que maint bons preudoms on[t]Corrigé d'après A. dit.
2111		Bien se doit chascun adviser,
2112		Ne me devez pas despriser,
2113		Car je suis vostre povre amye.
2114		Prengne vous pitié de ma vye !
2115		Cil a amy petit s'atent
2116		Qui mal a et a lui n'entent :
2117		Tout mon aller, tout mon venir
2118		Me voeult Loup Ysengrin tollir,
2119		Et dist de moy se vengera,
2120		Et en brief temps me mengera.
2121		Ad ce point ne m'acorderoye.
2122		Oultre mer avant m'en yroye.
2123		Mes amis, et que dites vous ?
2124		Respondez moi, m'aiderez vous ?
2125		Se avez de ma vye cure,
2126		Aidiez me a garder ma pasture. »
2127		Lors les matins tous esveilliés,
2128		De lui servir appareilliés,
2129		Dirent : « Entremez avez mis
2130		De Prophilïas et d'Athis :
2131		Prophilïas ot bien sceüe
2132		La courtoisie qu'il ot eue
2133		De Athis qui grande lui fist,
2134		Comme vostre compte le dist.
2135		― Athis presta, et cil rendy.
2136		Aultre chose ne vous en dy,
2137		GraceRaynaud corrige en Que grace. n'est mye au rendeur,
2138		Mais elle doit estre au presteur.

16

[16a]

2139		― Et pour ce, nous le vous disons,
2140		Presté nous avés, or rendrons.
2141		Nous vous sieugrons, devant allez !
2142		De vous vient primes lesRaynaud corrige en la. bontez.
2143		Sy vous vengerons de cellui :
2144		Jamais ne vous fera anuy. »
2145		Dist Barbue : « Donc m'en yray :
2146		Jamais de lui päour n'aray. »
2147		Lors la Chievre les enmena.
2148		Hardiement se demena.
2149		Les deux matins en recelé
2150		Se sont catiMs. coati (corrigé d'après A). et recelé
2151		Dedens ung buisson coiement.
2152		Et la Chievre tout voianment
2153		Sur son chief mit du parchemin.
2154		S'en va paissant tout le chemin.
2155		O parchemin n'ot point d'escript.
2156		Dessus ses deux cornes le mist.

2157		A Ysengrin retourneray,
2158		Ja tant affaire ailleurs n'aray,
2159		Au quel il samble bien de voir
2160		Que il doye Barbue avoir.
2161		Ysengrin fu de tel affaire,
2162		Tout ce qu'il pense cuide faire.
2163		Mais de ce ne vint point a chief,
2164		Et tout luy vient a son meschief.
2165		N'oncques homs qui eust cest espoir
2166		Ne pot grande scïence avoir,
2167		Et cil qui sa fin ne regarde
2168		Envis poeut estre en bonne garde.
2169		Qui n'a le sens de detenir
2170		A quel fin s'œuvre poeult venir,
2171		Ou soit a mal, ou soit a bien,
2172		Envis se prouvera ja bien.
2173		Ysengrin dist : « Tantost l'aray
2174		Et maintenant le mengeray. »
2175		Mais se contrepensers n'estoientRaynaud corrige en estoit.,

[16b]

2176		Ly pensëour gaignié l'aroient.Raynaud corrige en Le penseour gaignié l'aroit.
2177		Ysengrin tantost s'achemine
2178		Vers le pre et vers la gaudine,
2179		La ou Barbue se tenoit.
2180		Lors a veu Regnard qui venoit,
2181		Faisant semblant que fain l'asproye.
2182		Mais il ot trouvé bonne proye
2183		ChiésMs. Cieulx (corrigé d'après A). ung convers que nourry ot
2184		Une grasse oye pourRaynaud corrige en a. mettre en rot,
2185		Pour servir celle qu'il amoit.
2186		Et pour ce son oye plumoit.
2187		Mais grant encombrier lui advint
2188		Qu'a celle heure son abbé vint
2189		En sa chambre ne sçay quoy querre.
2190		Myeulx l'amast le convers en terre,
2191		Voir certes vëoir escorchier !
2192		Lors ne sot ou l'oye muchier :
2193		Ou courtil es choux le jette ens.
2194		Regnard qui adez est gaittans
2195		Et qui en pluiseurs lieux se boute,
2196		Que on ne s'en apperchoit goute,
2197		Ot le soir ou jardin geü.
2198		Quant il a le convers veü,
2199		L'oye pourrir ne laissa pas,
2200		Ains l'emporta plus que le pas,
2201		Et dist : « Bonne encontre ay trouvé.
2202		Pour moy n'est huy jour deve[é],
2203		Combien qu'il soit pour le convers.
2204		Je mengeray de ses depers.
2205		Mais gre ne sçay n'a a, n'a b,
2206		Fors seulement a dampt abbé.
2207		Regnard qui avoit grant talent
2208		De mengier, tantost son oyeRaynaud corrige en l'oye. prent
2209		N'ot mengié de trois jours entiers :
2210		Tout menga, menbres et quartiers,
2211		Ne regarda ne vaulx ne mons,
2212		Car il devint plus gros que loncs.

[16c]

2213		En tel point Ysengrin le voit
2214		Qui de lui voir desir avoit.
2215		Regnard qui langue ot esmolue,
2216		Tout premier Ysengrin salue :
2217		« Compere, bien venus soyez,
2218		Et de par moy bon jour ayez !
2219		Car, foy que doy l'ame ma mere,
2220		Je ay la bouce si amere
2221		Que je ay trestout le cœur vain.
2222		Je junay hier, si muir de fain.
2223		Se me feïssiez aucun bien,
2224		Compere, vous feïssiez bien. »
2225		Quant Ysengrin oÿ ces dis,
2226		Dist : « Regnard, qu'est ce que tu dis ?
2227		Tu as tant fait de tes aviaulx,
2228		Que tu es plus gros q'ung tonniaux.
2229		Tant as mengié ne sçay quel part,
2230		Pour poy que ton ventre ne part :
2231		Peüs es, peu te poeult saouler. »
2232		Lors se prinst Regnard a plourer,
2233		Et dist : « Beaulx compere, sachiez,
2234		De moy mocquier est grant pechiez.
2235		S'ainsi fussiez comme je sui,
2236		De vous mocquié je ne fusse hui.
2237		Et qui vergongne vous deïst,
2238		Poy sa santé longue veïst.
2239		A ! compere ! mais je cuidoye,
2240		Quant dittes que grant ventre avoye,
2241		Que le dissiez par mocquerie :
2242		Mais ce est par ytropisie !
2243		Ytropiques suis devenus :
2244		Pour ce suis si gros atenus,
2245		Ne puis mais vivre longuement,
2246		Morir me fault prochainement !
2247		CompereRaynaud corrige en comperes., ytropicques suis !
2248		Fors jusqu'au mars vivre ne puis,
2249		Du siecle me fault deffenir,

[16d]

2250		A aultre fin n'en puis venir.
2251		Pardonnés moy mes malfaiçons,
2252		Et plais et yres et tanchons,
2253		Que j'ay vers vous eüs adés,
2254		Pour mettre m'ame en bonne paix,
2255		Car les phisicïens m'onltRaynaud corrige en m'ont. dit,
2256		Se j'eüsse encore appetit
2257		D'aucune vÿande nouvelle,
2258		Contre cest temps qui renouvelle,
2259		Encore eüsse ung peu de joye.
2260		Ha ! Ysengrin, fay que j'en aye !
2261		Ytropicques sont desireux
2262		Et si sont trop peu gracïeux.
2263		― Regnard, Regnard, ce dit ly Loups,
2264		Oncques ne chien, ne chat, ne boucs
2265		Ne fu de toy myeulx eürés,
2266		Car huy seras asseürés
2267		De bon vivre et de bon mengier
2268		Tout a ton tallent sans dangier.
2269		Et en porras assez porter
2270		Pour toi deduire et deporter,
2271		Et mettre en sel, et court tenir,
2272		Et tels bons amis soustenir. »
2273		Dist Regnard : « Mercys en deïsse,
2274		Se telle vïande tenisse.
2275		― Certes, compere, tost l'arez,
2276		Mais la cause ainçois vous orrez.
2277		L'autr'ier trouvay paissant Barbue
2278		Soubz cest bois en la verde herbue,
2279		Ou el ne doit point pasturer,
2280		Et s'elle y paist ne poeut durer.
2281		Mengie fust, mais tant <me> prïa
2282		Et du cœur moult me supplïa
2283		Par amour et par courtoisie
2284		Que jusques a huy fust laissie.
2285		Et que lettres m'apporteroit
2286		Qu'a bonne cause elle y venoit.

17

[17a]

2287		Et se elle laMs. na. lettre n'a,
2288		Elle conclud des ce jour la
2289		Et s'ottroya sans revengier
2290		Que tantost la puisse mangier.
2291		Je sçay bien qu'elle n'en a point.
2292		Je ne m'en souspechonne point.
2293		Alons y ; le jour est ahuy,
2294		Si le mengerons ambedui.
2295		Grosse est et grasse pour voirRaynaud corrige en grasse tout pour voir d'après A.,
2296		Grand pourffit en porrons avoir. »
2297		Lors luy dist Regnard : « Est ce tout ?
2298		Amis, se plus n'y a, je doubt
2299		Que vous n'en veniez mie a chief.
2300		Vou[s] en ferez petit relief.
2301		Et ce vous voeul faire sçavoir :
2302		N'est pas tout ung croire et avoir.
2303		Je doubt de vous relief ne face.
2304		Gardez que Chievre Loup n'efface,
2305		Car sens maistrie et fesble et fort.
2306		Je ne sçay de vous qui a tort,
2307		Mais, selon le mien povre advis,
2308		Elle vous tient pour fol naïfs.
		YSENGRIN
2309		― N'en doubtez pour riens que non fait,
2310		Maintenir ne sara son plait :
2311		Nous le mengerons tresanuit.
2312		Alons tost, frere, ne t'anuit. »
2313		Tant luy dist que il le sieuy.
2314		Plus volentiers l'eusist fuÿ,
2315		Volentiers n'y va fors pour tant.
2316		Veoir poeult a quoy Barbue tent,
2317		Et aussi volentiers verroit
2318		La ou Ysengrin mal seroit.
2319		Jusques au buisson sont esmeu,
2320		La ou ilz ont Barbue veu.
2321		« Renard, dist Ysengrin, n'a mie
2322		Moy menty Barbue, m'amye.

[17b]

2323		J'en dois ja joyeux devenir.
2324		― Encor ne l'aRaynaud corrige en as. par ou tenir.
2325		Encor est elleRaynaud corrige en el. cent lieues loings.
2326		― A tant l'aras a ton bezoing,
2327		Dy[t] le Loup, tu ne le croiras
2328		De cy a tant que le verras. »
2329		Lors dist : « Barbue, par ta loy,
2330		As tu lettres ? Monstre les moy.
		BARBUE
2331		― Vez les cy ; voir, garde tresbien
2332		Que tu ne me meffaces rien. »
2333		Lors n'a pas Ysengrin tardé,
2334		Le parchemin a regardé.
2335		Barbue luy dist : « Sans cesser,
2336		Ysengrin, laisse moy aller.
2337		Regarde bien que je t'aport :
2338		Ce est ta santé ou ta mort.
2339		Preng le, quel que myeulx aimeras. »
2340		Dist Ysengrin : « Par foy, se n'as
2341		Une meilleur lettre que ceste,
2342		Ja bien tost sera ta mort preste :
2343		N'est clerc qui y sceusist riens lire,
2344		Ne qui bon mot y sceusit dire. »
2345		Renard escoute, oit et entend
2346		Qu'aucun secours Barbue atent,
2347		Et voit qu'elle parle a cheval.
2348		Lors regarde amont et aval,
2349		Et sus et jus et loing et prez.
2350		Vit les chiens ou buisson boutez,
2351		Qui ne font riens fors escouter.
2352		Regnard les print monlt a doubter,
2353		Mais Ysengrin pas n'y tendoit.
2354		Riens qu'a son vouloir n'entendoit.
2355		Lors dist il : « Compere Renard,
2356		Foy que je doy a saint Bernard,
2357		Je ne voy a cest escript goutte,
2358		N'empeschement, ne nulle doubte.

[17c]

2359		Vous estes clerc, sans vanité :
2360		S'avez leu la divinité
2361		Qui esclarchist les obscurtés
2362		Et met en paix toutes durtés.
2363		Et toute l'EscriptureMs. toute escriptue. expose.
2364		C'est l'art qui sur tous parler oze,
2365		C'est l'art qui tout bon conseil baille.
2366		Sy pry que par vous ne me faille.
2367		Exposez moi ces obscurtés
2368		Et hors de doubte si m'ostés,
2369		Car je voy trop la chose obscure,
2370		Et de tel obscurté n'ay cure.
2371		Arrestés suis sur ceste voye
2372		Que je tantost mengier la doye,
2373		Sans prendre ne jour ne respit.
2374		Sa lettre encontre riens ne dit,
2375		Et n'y a ne langue ne lettre,
2376		Qu'elleRaynaud corrige en Que elle. doye en conseil mettre,
2377		Qu'el ne soit tantost devouree.
2378		Dittes moy voir sans demouree. »
2379		Dist Renard : « Compere, entendez,
2380		Qui bons morceaulx mengier tendez
2381		Qui vous seront amusement,
2382		Se ceste lettre cy ne ment,
2383		Elle vous fera mat et tristreRaynaud corrige en triste..
2384		Et sachiez, cil qui l'a escripte

[17d]

2385		L'escript et fist si soubtilment
2386		Et si malicïeusement
2387		Qu'elle est aux folz peu apparans,
2388		Combien qu'elle soit bien parans.
2389		Se vous euïssiez yeulx de lin,
2390		Bien lisisiez le parchemin,
2391		Car lin voit par my toute rien,
2392		Par my mur et par my marien.
2393		Et astronomie sceussiez,
2394		La lettre bien congneüssiez.
2395		― Comment, Regnard, par Jhesu Crist,
2396		Y vëez vous lettre n'escript ?
2397		― Oÿ, dist Regnard, deux grans poins
2398		Qui sont l'un prez de l'autre joins.
2399		Qui ces deux cy porroit passer,
2400		Les aultres porroit tost casser :
2401		Ceulx sont monlt contraires a toi.
2402		Pour Dieu, compere, c'or me croy,
2403		Et en laisse Barbue aller,
2404		Et quiers aultre char pour saller :
2405		Ja ceste bien ne te fera,
2406		Mais contre toy adez sera.
		YSENGRIN
2407		― Regnard, Regnard, se je sceüsse
2408		Ou de voir entendu eüsse,
2409		Avant qu'avec moy venissiez,
2410		Que vous de son conseil fussiez
2411		Et que fussiez pour lui venu,
2412		Ceste chose n'eusciez sceü.
2413		Bien dit le me deussiez avoir
2414		Que aviez prins de lui avoir,
2415		Service, promesse ou convent.
2416		Cest tour t'est advenu souvent.
2417		Mais combien que il soit ainsi
2418		Que tu soies pour elle cy
2419		Par faintise avec moy venus,
2420		Ja ton conseil n'en yert tenus,

18

[18a]

2421		S'aultre escript ne monstre erramment,
2422		Que ne l'ochye toy present,
2423		Car bien voy que par toutes voyes
2424		Volentiers le supporteroyes. »
2425		Dist Regnard : « Monlt est decheü
2426		Tout cil qui est despourveü.
2427		Monlt y a de telz gens qui seulent
2428		Conseil querre, et croire nel voeullent.
2429		Samblans sont a cil qui requiert
2430		L'eaue benoite, et s'on lui fiert
2431		De l'eaue ung peu ou vis devant,
2432		Ses yeulx closRaynaud corrige en clot., ses mains met avant.
2433		Tel quiert conseil, qui a despit
2434		Quant on lui a le conseil dit.
2435		On doit telz gens servir en doubte
2436		Qui ont yeux, et ne voient goute.
2437		Le psaultierMs. spaultier. David, le scés tu ?
2438		― Oÿ. ― Or, lis en exitu,
2439		Droit ou xiii[e] vers verras
2440		Que parler ne scez, et bouche as.
2441		Aprés tu trouveras sans doubte :
2442		Oreilles as, et si n'os goutte.
2443		Aprez ung aultre trouverez
2444		Qui dit que piez et mains avez,
2445		Sy ne sçavez aller ne tendreMs. sendre..
2446		Se tu scez bien ces mos entendre,
2447		Je te monstre sans contredit,
2448		Samblans ez a ceulx que j'ay dit.
		REGNARDC'est en fait Ysengrin qui parle.
2449		― Par foy, tu me dis grant merveillez :
2450		Tu dis n'oy goute et s'ay oreilez :
2451		J'oy les chiens d'une lieue glatir
2452		Quant je doy a ung parc venir.
2453		J'ay de bien longz bregiers meschans,
2454		Quant ilz parlent avant les champs.
2455		Nul n'est de moy plus cler voians,
2456		Et si dis que suis non voians.

[18b]

2457		C'est bourde, car oyseaul de proye
2458		Ne voit point si loing que feroye,
2459		Se je vëoye ma pasture,
2460		Tant fust nuit orbeRaynaud corrige en et orbe et obscure.
2461		Je voy mieulx par nuit ung pastour
2462		Q'ung aultre ne feroit par jour.
2463		Tu dis bouce ay, ne sçay parler :
2464		Je sçaroye myeulx recorder
2465		Tous les arrests d'un parlement,
2466		Tant ay langue et instrumentRaynaud corrige en bon instrument.,
2467		Que oncquez maistre Obert de Sens
2468		Ne parla com je fay par sens,
2469		Ne maistre Räoul de Praiel,
2470		Ne maistre Savary de Criel.
2471		NeMs. Non pas. de Courtis frere Remis
2472		Ne sceut vers moy nes q'ung fremis.
2473		Encor me dis tu que piez ay,
2474		Et sy me dis qu'aller ne sçay :
2475		Il n'est destrier si bien allans
2476		Non mye oyseau si bien vollans,
2477		Se je vouloye bien fuïr,
2478		Que jamais me peüst sieuir.
2479		L'archevecque de Bezençon,
2480		Quant d'Anemis oÿ le son
2481		Qui dessoubz le pont raportoient
2482		Trestous les maulx que fais avoient,
2483		Requiest d'eulx tous d'aller le maistre,
2484		Car en la nuit vault a Romme estre
2485		Pour le grant bezoing que il ot.
2486		Fait fu ; mais oncques tel pié n'ot
2487		Cilz Anemis certes com j'ay,
2488		Bien le verroies a l'ensay :
2489		N'est qui une oye me tausist
2490		Pour tant que mon corps le tenist.
2491		Or ne me poeus de ce reprendre.
2492		Tu dis « mais ay, et ne sçay prendre » :
2493		Oncques mesires Engerans

[18c]

2494		Ne fu de ce si desirans
2495		Ne n'en sceut tant comme je fay,
2496		Mais que j'en fusseRaynaud corrige en feüsse. a l'ensay.
2497		Le cœur y ay et voloir tel
2498		C'oncquez prevoires a autel
2499		Ne sot si bien tendre la main.
2500		Mais combien que je lieve main
2501		Et que je couche tart ou tost,
2502		Nul ne me donne, ainçois me tolt,
2503		Se c'est de baston ou de pierre :
2504		Assez en ay sans aller querre.
2505		De tous suis hué haultement,
2506		Souvent batu vilainement.
2507		Je prenderoye a .xxx. mains,
2508		Combien qu'en aye .xxviiij. moinsRaynaud corrige en mains..
2509		Comment m'as orez cecy dit ?
2510		Combien que le dye David,
2511		Par sainct Martin ne par sa veille,
2512		Tu m'as ramentu grant merveille.
		REGNARD
2513		― Trop grande merveille n'est mie,
2514		Se je te monstre ta folye.
2515		Tu m'as a ton conseil huchié
2516		Et de ton secret m'as touchié.
2517		Cuides tu que ton bien ne voeulle
2518		Et de ton mal je ne me doeulle ?
2519		Cesses, que tu ne t'en repentes
2520		Et de ta folour ne te sentes,
2521		Sy con de Roboan advint.
2522		De Jherusalem roy se tint.
2523		Jones gens crut et les sieuy,
2524		Et les preudhoms ancïens fuy
2525		Et vault acomplir son voloir.
2526		Dont il vint tost a lui doloir,
2527		Car il s'en vit a grant vieulté,
2528		Ses gens mors, son paÿs gasté.
2529		Parle a luy pour sçavoir le voir.

[18d]

2530		Sy acompliras ton voloir :
2531		S'il le <te> loe, tu le feras.
2532		Et encor tu en parleras
2533		A Cresus, roy des Lidïens,
2534		Que folie tint en sesRaynaud supprime ce mot et édite lÿens. lyens :
2535		Il songa, et pour voir le tint,
2536		Et adez ce propos maintint
2537		Que les dieux, les soirs et les mains,
2538		Lui donnoient l'eaue a ses mains,
2539		Et Phebus si lui essuoit.
2540		Et adés ce propos sieuoit,
2541		Et lui rendoient tel treü.
2542		Il a tout son songe creü
2543		Et juroit : « Cecy avendra,
2544		Et tel fin et tel chief prendra.
2545		Les dieux service me dourront,
2546		Et pour le plusgrand me tendront. »
2547		Bien lui dist sa fille Phanie :
2548		« Mon pere, ne le crëez mie,
2549		Car ce n'est pas fole pensee
2550		Que tel honneur vous soit donnee.
2551		Roy, soiés doulz et pascïens,
2552		Humbles et piteux et scïens.
2553		Gardez ne croyez vostre songe,
2554		Car ce n'est que pure mensongne.
2555		La contraire vous avendra,
2556		Qui bien justement le prendra.
2557		― Fille, dist il, or vous taisiez.
2558		Je sçay plus que vous ne faiciez. »
2559		Mais depuis advint que le fol
2560		Fu mis au gibet par le col :
2561		Or se sceut bien a quoy tenir
2562		De sa folye maintenir.
2563		Siques tu luy demanderas
2564		SeMs. Le. tu tout ton voloir feras.
2565		Se son conseil creü eüst,
2566		Tout son temps roy et sire fust.

19

[19a]

2567		Fay ce dont je te voy prïant,
2568		Et te ramenbre de Prïant
2569		Qui tint la grant Troye en demaine
2570		Au temps que prinse fut Helaine,
2571		En Grece par Paris ravye,
2572		En Troye amenee enMs. par. navie.
2573		Celle qui grant beaulté avoit
2574		En Grece en ung temple estoitRaynaud corrige en s'estoit.,
2575		Faisant feste d'une dëesse.
2576		Allee y fu par grant noblesse
2577		Pour la solempnité tenir.
2578		Au temple vit Paris venir
2579		A grant compagnie de gent.
2580		La prinst il Helaine au corpz gent.
2581		Femme a Menelaüs estoit
2582		Qui en aultre lieu s'esbatoit.
2583		Illec Paris sa force fist,
2584		Peu en eust qui luy contredist.
2585		Elle y fust simplement allee,
2586		Et il ot grant gent amenee,
2587		Et garnisons assez menoit.
2588		Elle garde ne s'en donnoit
2589		Jusqu'ilz la saisirent et tindrent
2590		Et a leurs nefz tantost en vindrent.
2591		A Troye la grant le menerent,
2592		Au roy Prïant le presenterent,
2593		Pere Paris, qui en fu lyez.
2594		Mais Menelaüs <en> fu courchiez.
2595		Messages tramist a Prïant
2596		Et gens qui furent monlt sachant.
2597		Au roy dirent : « A toy venons.
2598		De par Menelaüs tenons
2599		Les paroles que tu orras.
2600		Or les entens, puis les sçaras.
2601		Ton filz est en Grece venus
2602		Com<me>Corrigé d'après A. [mauvés]Suppléé d'après A. larron contenus.
2603		Sa femme a emblee et ravye

[19b]

2604		Comme faulx, malvais, plain d'envie.
2605		Soubz ton pooir l'a amenee.
2606		Si te requier sans demouree
2607		Que tu sa femme lui renvoies
2608		Et que du meffait quitte soies,
2609		Et, se ne le fais, il te mande
2610		Qu'il en prendra cruel amende :
2611		Tu en seras a mort hastés,
2612		Tes hommes et paÿs gastés. »
2613		Le roy Prïant tout proprement
2614		Son conseil manda prestement.
2615		Quant les sages furent venus,
2616		A ung conseil se sont tenus.
2617		Dirent : « Roy, grant honneur te fait,
2618		Quant il te pardonne ce fait
2619		D'avoir ravy ce ou n'as droit,
2620		Qui a blasme tourner te doit.
2621		Ainssi est de nous ly accords :
2622		Rens lui, car sur toy est ly tors,
2623		Rens luy sa femme sans tenir,
2624		Car tu n'as droit du retenir. »
2625		Prïant respond a tous oyant :
2626		« Seigneurs, je n'en feray noiant.
2627		Mesages, au retour allez,
2628		Car de moy pas ne le rarez. »
2629		Et pour ce fut destruitte Troye.
2630		Ysengrin, je voeul bien qu'on m'oye :
2631		Pour ce le t'ay ramenteü.
2632		Se le roy Prïant eult creü
2633		Son conseil qui fu bel et gent,
2634		Encor fust Troye plaine de gent,
2635		Encore fust Troye or endroit.
2636		Pour ce est fol qui conseil ne croit.

2637		Nabugodonosor ly roys
2638		Par son orgueul fu si destrois
2639		Que il fut en beste mués.
2640		Et dient lez auctorités,

[19c]

2641		Sept ans tout plain fu par herbaiges,
2642		Paissant o les bestes sauvaiges.

2643		Puis qu'a orgueul voeul commencier,
2644		Or y entens bien sans tenchier :
2645		Du conte Ferrant te souviengne,
2646		Et par souvenir preu t'en viengne.
2647		Je ne pris son sens une oublye
2648		Qui le bien oit dire et l'oublye.
2649		Li quensMs. conte (corrigé d'après A). Ferrant, de Flandres sire,
2650		Au roy françois vault monstrer yre.
2651		Phelippe fu, pere Loÿs,
2652		Au quel<z> il fist monlt de despis
2653		Par orgueul, se l'escript ne ment.
2654		Le vault mettre a destruisement,
2655		Comme son homme qu'il estoit.
2656		Grand despit chascun avoir doit,
2657		Quant varlet veult si surmonter
2658		Que sur son maistre voeult monter.
2659		Je croy Dieu s'en voeult courouchier.
2660		Bien se vault Ferrant monstrer fier :
2661		Sa deable de mere vivoit,
2662		Qui ung deable privé avoit
2663		En une fïole bouté,
2664		Ce n'estoit mie grant bonté.
2665		Adoncques en ung jour advint
2666		Que celle a son deable vint,
2667		Pour ce que son filz jour avoit
2668		Que au roy combatre devoit.
2669		Et dist : « Amys, toy vieng requerre :
2670		Mon filz s'en doit entrer en guerre,
2671		A ung tel jour contre le roy
2672		Mener sa gent et son arroy.
2673		S'il y va, dis qu'en advenra ?
2674		Dy moy quel tour ce jour prendra ! »
2675		Cil qui en la fïole estoit
2676		PointRaynaud supprime ce mot. pour amye ne la tenoit,
2677		BienMs. Preng. qu'amy appelé l'eusist

[19d]

2678		Et qu'apeller ne lui deusist.
2679		Bien sceut cecy, si respondy.
2680		Droit ne parla, mais il bloisy :
2681		« Ton fils quiert de Paris l'honneur :
2682		Oncques encor grant ne meneur
2683		N'yRaynaud supprime y. entra a tel joye, sans faille,
2684		Com ton filz, s'a cel jour bataille. »
		L'ACTEUR
2685		Folz est qui moyen ne demy
2686		Conseil prent de son ennemy,
2687		Encor cil plus, qui le conjoie
2688		Ne qui de conseillier le proye.
2689		Et, pour voir, cil qui s'i conseille,
2690		Il dort sans sens et point ne veille.
2691		La veille, quant elle ot oÿ,
2692		Trop bien la parolle entendy
2693		Si com proprement luy sambla,
2694		Car sa memoireMs. maniere (corrigé d'après A). luy embla
2695		Cil de qui elle conseil tint
2696		Si fort que le sens n'en retint.
2697		Elle n'ot pas le sens d'enquerre
2698		Quelle est la joye de concquerre,
2699		Car femmes ne scevent gloser
2700		Fors que selon le leur penser.
2701		Riens fors leur volenté ne quierent,
2702		Toutes de telz bastons se fierent.
2703		Encores se leur volenté
2704		Fust garnie de lenteté,
2705		Ung peu de remedde y eüst,
2706		Car par cecy s'apperceüst,
2707		En la lenteté maintenir.
2708		Mais tost voeult faire et tost tenir.
2709		Sy fist celle qui oÿ a
2710		Le mot, mais sur ce ne glosa.
2711		Tantost prinst en lui fermement :
2712		« Mon filz est roy certainement. »
2713		Lors s'en va baude et esveillye,

20

[20a]

2714		De son ennemy conseillye :
2715		« Filz, dist elle, fay tost briefment,
2716		Et si te maintieng hardyment.
2717		Va en cel jour en la bataille :
2718		Victore aras, sans nulle faille.
2719		A Paris seras a cel jour,
2720		Comme roy et sire assejourRaynaud décompose en a sejour.. »
2721		Ferrans fu homs, et femme crut.
2722		En cel jour mainte debte acrut,
2723		Bien perdi ce jour ses bontés,
2724		Quant par femme fut enhortés
2725		De tel œuvre faire et emprendre.
2726		Et encoireRaynaud corrige en encoir. plus fist a reprendre,
2727		Quant a sa mere se tenoit,
2728		Et bien savoit dont se venoit.
2729		Il crut dyable par voix de femme :
2730		Doit il bien avoir grant diffame.
2731		Sans bon conseil crut son voloir.
2732		Bien se deust peu rire et doiloir.
2733		Telle folie je compere
2734		A Adam, notre premier pere,
2735		Le fol p<r>escheux, dolent et niche,
2736		Qui comme fol fist tel maliche,
2737		QueRaynaud corrige en qui. sa femme crut commeRaynaud corrige en com. son pere,
2738		Dont tout le monde le compere.
2739		M<auv>aise fut l'heure qui leRaynaud corrige en qu'il et garde mauvaise. crut :
2740		M<auv>aiseRaynaud préfère corriger en effaçant pour. debte pour nous acrut.
2741		Peu est homme qui trop croit femme,
2742		Qu'en fin n'en ait honte et diffame.
2743		Ferrant sa mere auctorisa,
2744		EtRaynaud supprime ce mot. de grant folie s'avisa.
2745		Commanda et fist accorder
2746		Et vingt chars de cordes mener
2747		Pour touts encorder les François.
2748		Mais son appareil fist ainchois
2749		Pour estre au jour de la bataille
2750		Contre le roy PhelippeRaynaud édite Phlippe., sans faille.

[20b]

2751		A Bouvines fut l'assamblee
2752		Qui ne fut pas a tous emblee.
2753		Ferrans ses cordes si mena,
2754		Mais bon eür tost l'oublïa,
2755		Car Dieu, qui au droit aidier voult,
2756		Un gonfanonnier mist en l'ost
2757		Qui bien sceut l'art de tournoier.
2758		<I>celluiRaynaud corrige en Icil. fist l'ost tant tournoyer
2759		Ainsi come s'il voulsist fouir.
2760		Et ceulx penserent de sieuir.
2761		Tant tournoi[e]rent et tant quirent
2762		Que le soleil a leur doz mirent,
2763		Et les Flamens l'eurent devant.
2764		Adont leur saillirent avant.
2765		AuMs. Le. soleil Flamengs esblouÿrentRaynaud corrige en s'esblouÿrent. :
2766		Adoncques tous s'en esbahyrent,
2767		Ne sceurent tenir contenance.
2768		Lors furent tournez a vieultance.
2769		Ferrant fut prins avec sa gent,
2770		Dont ne lui fut ne bel ne gent.
2771		Des cordes que orentRaynaud corrige en qu'orent. amenés,
2772		Furent ilz eulx mesmes loyés.
2773		Maint en y ot mors et perilz,
2774		Et maint amené a Paris
2775		A grant joye et a grant baudour,
2776		Qu'oncques ons ne vit a nul jour.
2777		Paris fut toute encourtinee
2778		Pour le joye qu'ilz ont menee,
2779		Et Ferrant fut comme soubmis.
2780		Soubz une chappe de plomb mis :
2781		La dessoubz sa vie fina.
2782		Par son orgueil mal deffina.
2783		A grant joye entra a Paris,
2784		Mais sien n'en fu ne jeu ne ris.
2785		Pour ce adés avisé soyes.
2786		Sophisques parolles ne croyes,
2787		Car qui parle sophisquement

[20c]

2788		Du dyable tient l'entendement.
2789		Cil qui sophisquement dira,
2790		En Paradis envis ira,
2791		Si comme par David le dy,
2792		En le psaulme du sammedy :
2793		« Cil qui parle sophisquement,
2794		C'est <a> dire felonneusement
2795		Posicïons, parolle double,
2796		Qui toute bonne raison trouble,
2797		Qui de telz parolles depart,
2798		Envis avra le Dieu esgart. »
2799		Ly Ennemy sophisquement
2800		Nulle foiz ne parle autrement.
2801		Bien le peut celle apercevoir,
2802		Quant de son enfant vit le voir.
2803		Lors dist qu'elle estoit deceüe
2804		Par double parolle creüe.
2805		Parolle oye sophisquement
2806		En maine<nt>Raynaud édite Enmaine. maint a dampnement.
2807		Ferrant en ot sa fin amere
2808		Par l'ennortement de sa mere.
2809		Ainsi fut decheü Ferrans.
2810		En veulx tu savoir en quel tamps ?
2811		L'an mil. ij^c. et <ii^e> dix et quatre,
2812		S'ala Ferrant au roy combatre.
2813		Ferrant son fol corraige crut,
2814		Dont a son cœur paine en acrut.

2815		Que fist Mainfroy et Coradin,
2816		Qui firent pis que Sarrasin,
2817		Qui prindrent bataille et atise
2818		Contre la force sainte Eglise ?
2819		Le roy Chales si les mena
2820		Qui jusques a mort les pena.
2821		Or garde qu'orgueil ne te tiengne,
2822		Affin que meschief ne t'en viengne.

2823		Et de Neron ayez memoire,
2824		Qui point ne crut au Roy de glo[i]re,

[20d]

2825		Et plus ot d'orgueil qu'un lÿons.
2826		Et si ne cuidoit pas estre homs,
2827		Et le tenoit a grant diffame,
2828		Quant on disoit lui nez de femme.
2829		Pour ce fist il sa mere ouvrir
2830		Et tous ses secrez descouvrir.
2831		Tant fist que par [lui]Suppléé d'après A. fut veüs
2832		Le lieu ou il fut concheüs.
2833		Senecque a martireRaynaud corrige en martire aussi . mist,
2834		Dedens un baing seignier le fist
2835		Pour ce que, quant petis estoit,
2836		En humilité le mectoit,
2837		Et humilïans devoit estre,
2838		Comme disciple[s] a son maistre.
2839		Neron lui portoit reverence
2840		Par la force d'acoustumance,
2841		Quant son maistre veoit venir.
2842		Lors dist il : « Ne doy ja tenir
2843		A moy que reverence face
2844		A nul homme n'en nulle place. »
2845		Pour ce fist son maistre baignier
2846		Et prendre la mort a saignier.
2847		Il fist es troisRaynaud supprime ce mot. parties de Romme
2848		Bouter le feu, ce est la somme,
2849		Pour vëoir le samblant du feu
2850		Qui tantost tout brula ce lieu.
2851		Tant fist le peuple l'envaÿ
2852		Siques il mesmes se haÿ.
2853		Si s'en fuï et destourna,
2854		Lui tiers en un verger tourna.
2855		Il par son malvais cœur et vain
2856		Se tua de sa propre main.
2857		Mais avant fist a ceulx requeste
2858		Que l'un vaulsist trenchier sa teste.
2859		Vëez com orgueul l'envaÿ,
2860		Que de tous grans degrez cheÿ :
2861		Les trois pars du monde tenoit,