i |
¶ La tres joyeuse plaisante & recreative
hystoire composee par le loyal serviteur des faicts ge=
stes triumphes et prouesses du bon chevalier sans paour et
sans reproche le gentil seigneur de Bayart dont hu=
maines louenges sont espandues par toute la chres=
tiente […][1] |
| Avec privilege |
|
| [1] Le texte de la page de titre est partiellement altéré. Le titre a été partiellement restitué à partir des indications reprises dans le colophon. |
|
ii |
| [illustration] |
ATous ceulx qui ces presentes lettres verront Jehan de la bar
re Chevalier, conte Destames, viconte de Bridiers, baron
de Vertz, seigneur de la Barre, de Villemartin, du Plessis
du parc les Tours, conseiller & chambellan ordinaire du roy
nostre sire, premier gentil homme de sa chambre et garde de la
prevoste de Paris, salut. Scavoir faisons que veue la requeste
a nous presentee par Galliot du pre libraire jure en luniversite de Paris. A ce
que par nous luy feust permis imprimer et vendre ung livre nouvellement fait
et compose des faictz et gestes du bon et preux chevalier sans reproche le cappi
taine Bayart. Ouquel sont contenues plusieurs hystoires et choses dignes de
memoire, advenues ou royaulme de France durant les regnes des feux roys
Charles .viiie. Loys .xiie. et du roy Francois a present regnant. Et que deffen=
ces fussent faictes a tous autres libraires et immprimeurs de imprimer ou faire
imprimer et vendre ledit livre jusques a trois ans sur peine de confiscation des
ditz livres et damende arbitraire, affin de soy rembourser des fraiz et impenses
quil luy conviendra faire a limpression dudit livre. Et ouy sur icelle le rapport
de noble homme et sage maistre Francoys goyet conseiller et advocat du roy no=
stredit seigneur ou chastellet de Paris. Nous audit Galliot du pre avons per
mis et permectons imprimer ou faire imprimer et vendre ledit livre a pris com
petant et raisonnable, duquel il laissera une coppie au greffe dudit chastellet
avant lexposer en vente. Et avons fait et faisons deffences a tous autres im=
primeurs et libraires de imprimer et vendre ledit livre au prejudice
dudit Galliot du pre jusques a deux ans. En tesmoing de ce nous avons fait
mettre a ces presentes le seel de ladicte prevoste de Paris. Ce fut fait le .xe.
jour Daoust Lan mil cinq cens .xxvii. P. Moifait. |
|
iii |
| ¶ Prologue de lacteur. |
POurce quil est moult difficille sans la grace de dieu en ce mor=
tel estre complaire a tout le monde, et que les hommes cou=
stumiers descripre hystoires et cronicques font voulentiers
leur adresse a aucun notable personnage je qui sans autre=
ment me nommer ay empris de mettre en avant les faictz et
gestes du bon chevalier sans paour et sans reprouche le sei=
gneur de Bayart, et parmy ses excellentes œuvres y comprendre plusieurs
autres vertueux personnages me suis advise a ce quil ne feust murmure cy
apres contre moy navoir bien et justement fait mon devoir particulier en lais=
sant lung pour prendre lautre attribuer ceste mienne rudde hystoire aux trois
estatz du tresexcellent, trespuissant et tresrenomme royaulme de France, car
pour au vray amplifier les perfections dung homme ne lay pey faire autre=
ment, considere que sans grace infuse du sainct esperit depuis lincarnation de
nostre sauveur et redempteur Jesuchrist ne sest trouve en cronicque ou hystoi=
re, prince, gentil homme ne autre de quelque condition quil ait este qui plus
furieusement entre les cruelz, plus doulcement entre les humbles ne plus hu=
mainement entre les petis ait vescu que le bon chevalier dont la presente hy=
stoire est commencee. Et combien que de tout temps en ceste doulce contree de
France la grace de nostre seigneur sest si grandement espandue que peu de def=
fault y survient quant aux necessitez du corps qui est une manne quant a ceste
vie mondaine. Ung autre inconvenient a ceste occasion y survient, cest que la
grande ayse que grans, moyens et petis y soustiennent les mect en telle oysive
te quilz ne se peuent contenir du peche denvye en blasmant aucunesfois a tort
et sans cause les innocens. Et en detenant cache les merites, prouesses et hon=
neurs des vertueux, si sen trouvera il peu qui sceussent ou ayent voulu dire
chose contre lhonneur dicelluy bon chevalier silz ne lont dit a lemblee, car en
iceulx trois estatz sest si vertueusement gouverne quil en aura quant a dieu sa
grace, et quant au monde verdoyante et immortelle couronne de laurier. Pour
ce que touchant leglise ne sen est jamais trouve ung plus obeissant, quant a le=
stat de noblesse ung plus deffensible, et a lestat de labour ung plus pieux ne
secourable. |
|
iv |
| ¶ La Table |
| ¶ Briefve recollection du contenu au present volume divise par chapitres. |
COmment le seigneur de Bayart pere du bon chevalier sans paour
& sans reprouche eut vouloir de scavoir de ses enfans, de quel estat
ilz vouloient estre. Premier chapitre. Fueillet premier. |
¶ Comment le pere du bon chevalier sans paour & sans reprouche
envoya querir son beau frere levesque de Grenoble pour parler a luy par ce quil
ne pouoit plus partir de la maison. Chapitre .ii. fueillet .i. |
¶ Comment levesque de Grenoble presenta son nepveu le bon chevalier sans
paour et sans reprouche au duc Charles de Savoye qui le receut joyeusement
Chapitre .iiie. fueillet .iii. |
¶ Comment le duc de Savoye se partit de Chambery pour aller veoir le roy de
France Charles .viiie. en sa ville de Lyon, et mena avecques luy le bon chevalier
sans paour et sans reprouche pour lors son paige. Chap. .iiiie. fueil. iiii. |
¶ Comment le duc de Savoye alla faire la reverence au roy de france a son lo=
gis, et de lhonneste revueil que luy fist le roy. Chapitre .ve. fueillet .iiii. |
¶ Comment ung gentil homme de bourgongne nomme messire Claude de
vauldray vint a Lyon par le vouloir du roy de France faire fais darmes, tant a
cheval comme a pied, et pendit ses escuz pour par ceulx qui y toucheroient estre
par luy receuz au combat, et comment le bon chevalier trois jours apres quil fut
sorty hors de paige toucha a tous les escuz. Chapitre .vie. fueillet .vi. |
¶ Comment labbe Desnay bailla cent escus au bon chevalier pour avoir deux
chevaulx, et escripvit unes lectres a ung marchant de Lyon pour luy delivrer
ce qui luy seroit necessaire. Chapitre .viie. fueillet .vii. |
¶ Comment le bon chevalier et son compaignon se monterent de chevaulx et
dacoustremens, et comment ledit bon chevalier se porta gentement selon sa jeu=
nesse contre messire Claude de vauldray. Chapitre .viiie. fueillet .ix. |
¶ Comment le seigneur de Ligny envoya le bon chevalier en garnison en pi=
cardie ou estoit sa compaignie, et fut loge en une jolye petite ville appellee Ayre,
et comment a son arrivee ses compaignons allerent au devant de luy. Chapi
tre .ixe. fueillet .x. |
¶ Comment le bon chevalier fist cryer dedans Ayre ung tournoy pour lamour
des dames ou il y avoit pour le mieulx faisant ung bracelet dor et ung bel dya=
mant pour donner a sa dame. Chapitre .xe. fueillet .xi. |
¶ Comment le roy de France Charles .viiie. fist son appareil pour aller a la
conqueste du royaulme de Naples quil gaigna par sa prouesse & vaillance sans
grande effusion de sang. Chapite .xi. fueillet .xiii. |
¶ Comment Loys duc Dorleans bint a la couronne de France comme le plus pro
chain hoir, et fut appelle Loys .xiie. Chapitre .xii. fueillet .xiiii. |
|
v |
¶ Comment apres la conqueste de la duche de Milan le bon chevalier demou
ra en ytalie, et comment il dressa ung tournoy en la ville de Carignan ou il em=
porta le pris. Chapite .xiii. fueillet .xv. |
¶ Comment le seigneur Ludovic retourna Dalmaigne avecques bon nombre de
lansquenetz, et reprist la ville de Milan sur les francois. Cha. xiiii. f. xvii. |
¶ Comment le seigneur Ludovic voulut veoir le bon chevalier sans paour et
sans reprouche, et comment il le renvoya et luy fist rendre son cheval et ses armes.
Chapitre .xv. fueillet .xviii. |
¶ Comment le seigneur Ludovic se retira dedans Novarre doubtant que les
francois entrassent dedans Milan par le chasteau, et comment il fut prins.
Chapitre .xvi. fueillet .xix. |
¶ Comment le seigneur de Ligny alla visiter Vaugayre, Tortonne et autres
places du duche de Milan que le roy luy avoit donnees, et dung gentil tour que
fist le bon chevalier. Chapitre .xvii. fueillet .xx. |
¶ Comment le roy de France envoya grosse armee a Naples ou il fist son lieu
tenant general le seigneur Daubigny. Chapitre .xviii. fueillet .xxi. |
¶ Comment le bon chevalier sans paour et sans reprouche sortit de sa garni=
son de Moneruyne, comment il trouva espaignolz sur les champs, et ce quil en
advint. Chapitre .xix. fueillet .xxii. |
¶ Comment domp Alonce de soto maiore se voulut desrober par le moyen dung
albanoys qui le garnit dung cheval, mais il fut reprins sur le chemin & referre
en plus forte prison. Chapite .xx. fueillet .xxiii. |
¶ Comment le seigneur domp Alonce de soto maiore se plaignit a tort du trai=
ctement que luy avoit fait le bon chevalier dont ilz vindrent au combat.
Chapitre .xxi. fueillet .xxiiii. |
¶ Comment le bon chevalier sans paour et sans reprouche combatit domp Alon
ce de soto maiore et le vaincquit. Chapitre .xxii. fueillet .xxv. |
¶ Dung combat qui fut ou royaulme de Naples de treize Espaignolz contre
treize francois ou le bon chevalier fist tant darmes quil emporta le pris sur tous
Chapitre .xxiii. Fueillet .xxvi. |
¶ Comment le bon chevalier print ung tresorier & son homme qui portoient
quinze mille ducatz au grant cappitaine Gonsalle ferrande et ce quil en fist.
Chapitre .xxiiii. fueillet .xxvii. |
¶ Comment le bon chevalier garda ung pont sur la riviere du garillan luy seul
lespace de demye heure contre cens espaignolz. Chap. xxv. f. xxviii. |
¶ De plusieurs choses qui advindrent en deux annees tant en France, espaigne
que ytalie. Chapitre .xxvi. fueillet .xxix. |
¶ Comment les genevoys se revolterent : et comment le roy Loys .xiie. passa les
montz et les remist a la raison. Chapitre .Xxvii. f. xxx. |
|
vi |
¶ Comment lempereur Maximilian feist la guerre aux Veniciens, ou le roy
de France envoya le seigneur Jehan jacques avecques grosse armee pour les
secourir. Chapitre .xxviiie. Fueillet .xxxi. |
¶ Comment le roy Loys fist marcher son armee en ytalie contre les Veniciens,
et de la victoire quil en obtint. Chapitre .xxixe. fueillet .xxxii. |
¶ Comment le roy de France Loys .xiie. gaigna toutes les villes et places des
Veniciens jusques a Pesquere. Chapitre .xxxe. f. xxxiii. |
¶ Comment le ruy de France envoya le seigneur de la Palisse au secours de lem
pereur avecques cinq cens hommes darmes a plusieurs cappitaines, desquelz es=
toit le bon chevalier sans paour et sans reproche. Chapitre .xxxie. f. xxxiiii. |
¶ Comment lempereur Maximilian alla mettre le siege devant Padoue, et
ce quil advint durant icelluy. Chapitre .xxxviie. f. xxxv. |
¶ Comment lempereur Maximilian planta son siege devant Padoue, & des
gaillardes approuches faictes par les gentilz hommes francois, et dune hardies
se grande qu monstra le bon chevalier sans paour et sans reprouche. Chapi
tre .xxxiiie. fueillet .xxxvi. |
¶ De la grosse et lourde baterie dartillerie qui fut devant Padoue et de la ber
che qui y fut faicte. Chapitre .xxxiiii. f. xxxvii. |
¶ Comment le bon chevalier sans paour et sans reprouche durant le siege de
padoue fist une course avecques ses compaignons ou il acquist gros honneur.
Chapitre .xxxv. fueillet .xxxviii. |
¶ Dune autre course que fist le bon chevalier sans paour et sans reprouche ou
il fut prins soixante albanoys & trente arbalestriers. Cha. xxxvi. f. xxxix. |
¶ Comment lempereur delibera faire donner lassault a Padoue, et loccasion
pourquoy il demoura. Chapitre .xxxvii. fueillet .xli. |
¶ Comment lempereur se retira du camp devant Padoue quant il congneut
que ses almans ne vouloient pas donner lassault. Chapitre .xxxviii. f. xlii. |
¶ Comment le bon chevalier estant a Veronne fist une course sur les veni=
ciens ou il fut prins et rescoux deux fois en ung jour, et quelle en fut la fin.
Chapitre .xxxix. fueillet .xliii. |
¶ Comment le bon chevalier cuyda estre trahy par une espie qui avoit pro=
mis au cappitaine Jehan paule mouston le mettre entre ses mains, et ce quil
en advint. Chapitre .xl. fueillet .xlv. |
¶ Comment ceulx de la garnison de Lignago firent une course sur les veni=
ciens par ladvertissement de quelques espies qui les trahirent parquoy ilz fu
rent deffaictz. Chapitre .xli. fueillet .xlix. |
¶ Comment le pape Julles vint en personne en la duche de Ferrare, et com
ment il mist le siege devant la Myrandolle. Chapitre .xlii. fueillet .li. |
| ¶ Comment le bon chevalier sans paour et sans reprouche cuyda prendre le pa |
|
vii |
| pe entre sainct Felix & la Myrandolle, et a quoy il tint. Chapitre .xliii. f. lii. |
¶ Comment le pape envoya une bende de sept ou huyt mille hommes devant
une place du duc de Ferrare nommee la bastice pour la prendre, et comment
ilz furent deffaictz par ladvis du bon chevalier sans paour et sans reprouche.
Chapitre .xliiii. fueillet .liiii. |
¶ De la mort du seigneur de Moontoison, & de plusieurs menees que firent le
pape Julles et le duc de Ferrare lung contre lautre ou le bon chevalier se mon
stra vertueux. Chapitre .xlv. fueillet .lvi. |
¶ De plusieurs choses qui advindrent en ytalie en deux annees.
Chapitre .xlvi. fueillet .lviii. |
¶ Comment deux espaignolz combatirent a oultrance en la ville de Ferrare.
Chapitre .xlvii. Fueillet .lix. |
¶ Comment messire Andre grit providadour de la seigneurie de Venise par le
moyen du conte Loys adnogadre reprist la ville de bresse. Chapitre .xlviii. f. lxiii. |
¶ De la grande diligence que fist le gentil duc de Nemours pour reprendre Bres
se, et comment il deffist en chemin le cappitaine general des veniciens et cinq
ou six mille hommes. Chapitre .xlix. fueillet .lxiiii. |
¶ Comment le duc de Nemours reprist la ville de Bresse sur les veniciens ou
le bon chevalier sans paour et sans reprouche acquist grant honneur, et comment
il fut blesse quasi a mort. Chapitre .l. fueillet .lxv. |
¶ Comment le bon chevalier sans paour et sans reprouche partit de Bresse
pour aller apres le duc de Nemours et larmee du roy de France. De la grande
courtoysie quil fist a son hostesse au partir, et comment il arriva devant la vil=
le de Ravenne. Chapitre .li. fueillet .lxx. |
¶ Comment le siege fut mis par le noble duc de Nemours devant Ravenne
et comment plusieurs assaulx y furent donnez le vendredy sainct ou les fran
cois furent repoussez. Chapitre .lii. fueillet .lxx. |
¶ Dune merveilleuse escarmouche qui fut entre les francois et les espaignolz
le jour devant la bataille de Ravenne ou le bon chevalier fist merveilles dar=
mes. Chapitre .liii. fueillet .lxxii. |
¶ De la cruelle et furieuse bataille de Ravenne ou les espaignolz et Neapoli
tains furent desconfitz, et de la mort du gentil duc de Nemours. Cha. liiii. f. lxxiii. |
¶ Des nobles hommes qui moururent a la cruelle bataille de Ravenne, tant
du coste des francois que des espaignolz, et des prisonniers. La prinse de la vil
le de Ravenne. Comment les francois furent chassez deux moys apres dyta=
lie en Lan mil cinq cens et douze. De la griefve maladie du bon chevalier. Du
ne fort grande courtoysie quil fist. Du voyage fait ou royaulme de Navarre, &
de tout ce qui advint en ladicte annee. Chapitre .lv. fueillet .lxxvii. |
| ¶ Comment le bon chevalier prist ung chasteau ou royaulme de Na |
|
viii |
varre ce pendant quon assist le siege devant la ville de Pampelune ou il fist ung
tour de sage et appert chevalier, chapitre .lvie. fueilliet .lxxx. |
¶ Comment le roy henry dangleterre descendit en France, et comment il mist
le siege devant la ville de Therouenne. Dune bataille dicte la journee des es=
perons ou le bon chevalier fist merveilles darmes & gros service en france, cha
pitre .lviie. fueillet .lxxxvii. |
¶ Du trespas de la magnanime et vertueuse princesse Anne royne de france
et duchesse de Bretaigne. Du mariage du roy Loys .xiie. avecques Marie dan
gleterre, et de la mort dudit roy Loiys, chapitre .lviiie. fueillet .lxxxvi. |
¶ Comment le roy de France Francois premier de ce nom passa les montz, et
comment il envoya devant le bon chevalier sans paour et sans reprouche, et de
la prinse du seigneur Prospre coulonne par sa subtilite, chapitre .lixe. f. lxxxvii. |
¶ De la bataille que le roy de France eut contre les suysses a la conqueste de sa
duche de Milan ou il demoura victorieux, et comment apres la bataille gai=
gnee voulut estre fait chevalier de la main du bon chevalier sans paour & sans
reprouche, chapitre .lx. fueillet .lxxxix. |
¶ De plusieurs incidences qui advindrent en France, ytalie & espaigne durant
trois ou quatre ans, chapitre .lxie. fueillet .xc. |
¶ Comment messire Robert de la marche fist quelques crouses sur les pays
de lempereur qui dressa grosse armee, et de ce quil en advint, chapitre .lviie. f. xci. |
¶ Comment le bon chevalier sans paour et sans reprouche garda la ville de
Maizieres contre la puissance de lempereur ou il acquist gros honneur, cha=
pitre .lxiiie. fueillet .xcii. |
¶ Comment le bon chevalier sans paour et sans reprouche en une retraicte quil
fist en ytalie fut tue dung coup dartillerie, chapitre .lxiiiie. fueillet .xciiii. |
¶ Du grant dueil qui fut demene pour le trespas du bon chevalier sans paour
et sans reprouche, chapitre .lxve. fueillet .xcv. |
¶ Des vertus qui estoient au bon chevalier sans paour et sans reprouche.
Dernier chapitre. fueillet .xcvii. |
| ¶ Fin de la table du present livre. |
|
| Dernière mise à jour de cette page le
30/11/11