Le viandier de Sion

Le manuscrit, de type volumen, a été amputé intentionnellement de son incipit, ce qui a pour effet de supprimer le texte figurant au verso.

La présente édition critique, établie à partie de photographies du manuscrit, se veut respectueuse de la mise en page, de la distribution des majuscules et minuscules et de la ponctuation, dans la perspective d'une étude diachronique de la ponctuation. Les abréviations ont été développées, à l'exception de & (les lettres restituées sont en italiques). Le texte interligné est marqué comme suit : >>texte<<

Boully lardé prenez vostre grain lardés
et metez cuire en yaue et vin et y metez cuire du
masit sel et saffren qui veult venoison
Venoison de cherf fraiche parboullie lardee au long
par dedans puis metés cuire en autre yaue et
du masit et du vin grant foison a la cameline. Et en pas
té parboulie et puis lardee sangler
Sangler frais faites cuire en vin & en yaue et getez
le premier boullon a la cameline ou au poivre aigret
Sanglier sallé et cerf metez tamper puis lavés
tresbien & getés le premier boullon & laver d'eaue
fraiche & lessiez reffroidier puis le metés par lachez & metez
boulir une petite onde en yaue & moitié vin blanc puis
pelés chastaingnez cuites en la brese & le metez en plast &
drecez vostre boullon avecques de la venoison mangier a la motarde
Chevreau sauvage doit estre apareilliez chevreau
a mangier comme le cerf frais chaudun
Chaudin de porc cuisiez puis le despechiez par morce
aux puis frisiez en saing de lart prenez gingembre
poivre long safran et du pain hallé & metez tramper
en boullon de buef ou eaue boullie ou lait de vache
prenez verjus esgrené cuit en yaue & metez les gre
nez en vostre potaige quant vous devés servir & filés moi
aux de eufs et coulez cretonnee
Cretonnee de pois vers ou de feves cuisiez purés &
frisiez en saing de lart prenez lait de vache & bou
lez une onde metez tramper ung pou de pain dedens
prenez gingembre saffren desfait de vostre lait faitez bou
lir prenez poullez cuis en eaue frisiez par quartiers
metez boulir avec traiés du feu fillés des eufs >>grant foison<< dedens
Comminee de poullaille cuisiez en vin & en eaue des
peciés par cartiers frisez en saing de lart metez
ung pou de pain trampé en vostre pot coullez & metez
boullir avec vostre grain prenez ung pou de gingembre
et de commin desfait de verjus[1] moiaux de eufs grant
foison & les batez coullés fillez dedens gardez qu'il n'arde
Comminee d'almandes cuisez vostre poullale
en yaue puis coupez par quartiers frisez en saing
de lart prenez almandrez broiez desfaites du boullon me
tez boullir sur vostre grain prenez gingembre & commin
desfait de vin & de verjus metés ung pou de pain blanc
Brouet de canelle cuisiez vostre poulaille
en vin ou en eaue[2] ou telle char que vous vourez
metez par quartiers friollés prenez almandrez tou
tes saiches sans peller & de la canelle grant foison
broiez coulez desfaitez du boillon faitez boullir avec
grain du verjus avec gingembre girofle graine de para
dis et soit liant brouet
Brouet gorgié prenez tel grain comme vous voldrez
despeciés par pieces prenés persin & oingnons
menus & metez frire en saing de lart prenez des foiez
& du pain halé desfait du boillon du beuf faitez boulir
ensemble puis affinez gingembre saffren girofle
deffait de verjus & que le boillon soit blanc et liant
Brouet roucet prenez tel grain comme vous voldrez
& oingnons copez par rouellez & persin esfeulié & metez
surfrire en saing & prenez foyez et coullez ou boillon
de beuf & en vin & metez boulir >>avec<< vostre grain puis af
finez gingenbre >>grainne de paradis fleur de canelle canelle<< & defaitez de verjus
Une soringne de haste menue de porc metez par
piescez rostir en la broche et ne le cuisiez pas de
tous poins metez frire en saing & oignons avec
en ung pot, sur les charbons & hochiez souvent & quant
il sera surfrit metez boulon de buef vin plain metez
sur vostre grain prenez gingembre graine de paradis ung
pou de saffren defait de vin aigre bouly tout ensemble
Gravé de menus oiseaux ou de tel grain comme
on veult metés surfrire en saing tres bien
prenez pain halé desfait de boullon de beuf coullez
metez avec vostre grain affinez gingembre canelle
& un pou de verjus faitez tout ensemble
Blanc brouet de chapons cuis en vin & en eaue
despeciés par membres & frisiez en saing broiez
amandes et des broions de chapons & des eufs desfais
de boilon metez boullir sur vostre grain prenez gin
gembre canelle giroffle grene de paradis poivre long
garingal desfait de vin aigre boullez tout ensemble
& y fillez moiaux de eufs bien batus & coulez
Bonsax de lievrez et de conins halez en broche ou sur
le greil decopés par membres & metés surfrire
en saing prenez blanc pain defait de boullon de beuf
& de vin cler faitez boullir ensemble prenez gingembre
canelle girofle grene de paradis desfait de verjus & soit
brun & non guerez blanc
Hondous de chapons cuisiez en vin & en eaue despe
ciez par menbres friolez en saing prenez ung
pou de pain brullé desfait de boullon faitez boulir
avec vostre grain affinez gingembre canele girofle
graine de paradis deffait de verjus ne soit pas trop blancs
Brouet d'alemagne de char de connins ou de poulla
le despeciez metez surfrire en saing & oignons
menus affinez amendez grant foison destrempez de
vin & de boullon de beuef faitez boullir avec vostre
grain affinez gingenbre canelle grene de paradis gi
rofle nois muguetez soit sur jaune liant deffait de verjus
Hochepot de poullaile metez par membres surfrire
en saing de lart prenez ung pou de pain brullé
& des foyes deffais de vin & du boillon de beuf metez
boulir vostre grain affinez gingembre canelle grene
de paradis deffait de verjus et doit estre noiret & cler
Soutil brouet d'angleterre prené chastaingnez
cuitez & pelés & moiaux de eufs cuis & ung pou
de foie de porc broier tout ensemble destrampés d'un pou
de eaue tiede coulez affinez gingembre girofle canelle
garingal poivre long graine de saffren fetez boullir em
Brouet de verjus prenez poulaille[3] ¶semble.
ou tel grain comme vous vouldrez cuisiez en vin &
en eaue & du verjus tant qui le sente prenez gingembre
ung pou de pain desfaitez du boullon & de moiaux d'eufs
grant foison passez parmy l'estamine tout ensemble
metez boullir puis metez sur vostre grain quant il
sera bein friolé pour li doner goust
Brouet vergay cuisiez tel grain que vous volez en vin
ou en eau ou boullon de beuf du lait avec friolez
vostre grain prenez gingembre percin ung pou de sauge
moiaux d'eufs, du pain parmy deffait de vostre boillon
du verjus & du fromage qui veult
Rappé mettez grain surfrire en saing halés pre
mierement. prenez du pain & le metez tramper
en boullon passé parmy l'estamine & getez sus prenez
groisellez ou verjus boulu bien pou & metez en
vos escuelle & drecés sus
Civé de veel rosti tout cru en la broche sans trop
laissier cuire decopés & metés surfrire en saing
& oingnons menus prenez pain roussi destrampé de
vin & de puree ou de boullon faitez boulir avec vostre grain
affinez gingembre canelle graine de paradis saffren
deffait de verjus & de vin aigre fort d'espicez
Civé de lievres doit estre noir & le pain bien brulé
& fait comme cely de veel mez on ne doit laver la char
Porc rosti des oignons desoubz du vin & du verjus
lardé rosti a poudre d'espicez et de saffren au verjus
& en pasté au saffren a poudre d'espicez et au verjus
Fraise de veel decopez tres menu friolez en saing
de lart broiez gingenbre saffren & eufs crus et
les fillez par desus en fruiant
Mouton rosti au sel menu ou a la cameline ou verjus
Chevreax aigneaux metez en eaue bollante plu
més halés en broche lardés rosticiez a la camelline
Oyes aux aulx blancs ou vers ou poivre noir ou jaune
Poles rosties a la cameline ou verjus ou froide sauge
en pasté poudré d'espices morceaux de lart au verjus vert
Chapons gelines hetoudeaux. en rost a la saulce de most
ou la poitevine ou la jance
Connins parboulis lardés rostis a la cameline
Lievrez en rost sans laver halés en la broche lardés
rostis a la cameline ou en rost parboulis lardés aucuns
les bacinnent de tele sauce comme ung bourbier de sangler
Bourbier de sangler premierement metre en yaue bo
lant et tost retraire metre rostir baciner de sau
ce faite d'espices gingembre canelle girofle graine & du
pain halé trempé en vin & verjus & vin aigre & le baciner
quant il sera cuit despeciés par morceaux metez boulir
avec vostre saulce & soit claret noir
Pigons rostis atout les testez sans les piez au cel
Menus oiseaux plumés a sec brulez sans fumee
enhastez par le costé du lart entre deux au sel menu
Perdris plumés a sec ostez le gavion copez les piez &
les testez refaitez en yaue boullant tirez tost esfondrez
lavez boutonnez de lart. au cel menu
Cygnez plumez a sec fendu de la teste jusques aux es
paulez doré ou verdi. au poivre jaunet
Paon ainsy comme le cyne au sel
Faisans plumez a sec baconnez ou arçonez soit reffait
en eaue chaude rosté atous la queue et la teste qui
veult si coppe la queue & le col puis quant il sera cuit lez
ratachier au corps.
Herons seigniés fendus jusques aux espaulez apareil
liez comme une cegoingne
Segoingnez plumez a sec getez en eaue boullant co
pez les ellez laissiez les piez & la teste & l'arçonnez & flam
bés tresbien au sel menu
Malars de riviere plumez a sec coppez col piez et ellez
rostisiez fetez la dodine de lart de verjus ou de vin
& de la poudre metez sur tosteez de pain ou boullir par
quartiers dedans la dodine
Oitardes gentez gruez comme segoingnez
Cormorans comme les herons
Pourcelet farcy eschaudez lavez faites la farce des
yssuez et du porc moiaux d'eufs cuis formage de
gaing chastaignez cuite et du cel broiez boutez tout
ensemble metez embroche bacinez de vin aigre de saing
boulant au poivre jaunet
Faux grenon cuisiez en vin & en eaue dez foyez des
guisiers ou char de veau hachiez bien menu frisiez
en saing de lart broiez gingembre canelle girofle vin &
en verjus boullon de beuf ou de celui mesmez moiaux de
eufs grant foison collez dessus vostre grain faitez boullir
emsemble un pou de pain du saffrein sur jaune coleur
aigret de verjus au drecier poudrez poudre de canelle
Menus drois de piés de foyez et de jusiers faites cuire en
vin et en eaue tresbien metez vostre grain quant il sera
cuit en un plat du percin du vin aigre pardessus.
Formentee prenez forment apparelié lavez bien
& metez cuire en yaue quant il sera cuit cil l'esprenez
& prenez lait boullu puis metez dedens vostre formen
tee faites boullir remuez souvent quant il sera ung
peu reffroidy fillez moiaux d'eufs ou collez dedens
le forment du saffren bien pou du succre assez soit
mis dedens le pot acuns y metent espices doit estre jaunet
Garlins prenez figues et resins lait d'amandes
boullu prenés eschaudés croustez de pain blanc
copez menu metez boullir tant qu'il soit bien liant
pour taillier eschaudez lavez en .ii. pairez de eauez me
tez lait de vache n'i metez point la cullier jusques
a ce qu'il ait boullu tant qu'il soit espés
Poulaille farcie prenez la & li copez le gavion es
chaudez plumez ne lez refaites pas boutez un
tuel entre la char et la pel et l'enfflés puis laffendés en
tre les espaulez & n'y faitez pas grant trou laissiez a la pel
toutez lez membres
Pour faire la farce prenez veel cuit rouelle de porc
cuit du braon de la poulaille hachiez tout ensemble
broiez avec grant foison deufs cuis chastaignez cuitez
formage de gaing pourdre d'espices bien pou de saffren
salez emplez vostre poulaille de vostre remaignant
faites pomez durez metez boullir en boullon de beuf
du saffran grant foison a petit boullon destrempés de la
fleur de moiaux d'eufs coullez bien metez en une
neufve broche rostir coullez dez moiaux pardessus en
rostissant aucuns le font sans couler
Pour la dorer prenez moiaux d'eufs cuis broiez du sa
ffren avec qui veult dorure vert si broie la verdure sans
saffren moiaux d'eufs grant foison batus passez parmy
l'estamine et dorez quant la poulaille sera cuite getez
la dorure au loing par deux ou par .iii foys
Gelee de poison qui porte limon ou de char metez
cuire en vin et en verjus & vin aigre un pou de
pain qui veut prenez gingenbre canelle girofle grene de
paradis poivre long noys muguetez saffren cilion
folion broiez & le liés en ung blanc drapel et metez
boullir avec vostre poisson ou char & lez cumez tour
jours jusques a ce qu'il soit drecié quant il sera cuit
metez vostre grain refroidir sur une nappe ce c'est
poison le peler & nestoier & getez lez peleurez ou boillon
sans le troble & ne fault pas attendre qu'il soit froit
a le couler metez vostre grain par escuellez remetez
vostre boillon en boullant escumez tourjours dreciez
sur vostre grain & poudrez dessus vos escuellez en
lieu froit fleur de canelle de massis
Lamproie frache a la saulce chaude soit saingnie
d'une broche gardez le sanc c'est la graisse ratissiez
bien la broche d'un coustel eschaudez comme une angui
lle rosticiez en une broche affinez gingembre canelle
graine nois muguetez bien pou de pain trempé brulé
en vin aigre ung pou de vin coulez faitez boulir tout
ensemble une onde metez vostre lamproie boullir
avec toute entiere ne soit pas trop cuit metez du
sanc boullir avecques
Lamproie a la galentine saingnie comme dit est gar
der[4] le sang cuisiez en vin aigre ung pou d'eaue
quant elle sera cuite si la traiés hors du feu metez sus une
nappe prenez pain brullé deffait de boillon parmy une esta
mine metez le sanc avec boullir movez souvent quant
il sera bien metez en une geste de fust mouvez tourjours
jusques a ce qu'il soit froit affinez gingembre canelle
noix >>muguetez<< graine poivre long deffait du boulon metez de
dens & metez vostre poisson dedens doit estre noir
Ris cuire en gresse a jour de char eslisiez lavez en yaue
chaude metez essuier contre le feu metez cuire en lait de
vache fremiant broiez saffren pour rougir deffait de
vostre lait de vache metez dedans du gras & du boillon.
Cisne revestu en ces plumes & atout sa pel l'enflés
par entre les espaulez comme de poulaille farcie & que
le col soit avec la pel lez ellez & lez piez avec le corps metez
embroche boutonnez comme poullaile quant il sera cuit soit
revestu en sa peau & que le col soit droit. au poivre jaunet
Froide sauge prenez vostre poulaille & metez cuire en
eaue puis metez reffroidir broiez fleur de canelle graine
girofle percil sauge le plus du pain ung pou de saffren
et passe la verdure pour estre vert gay coullez parmy l'esta
mine de moiaux d'eufs cuis deffaites de bon vin aigre
sans boullir metez dedens vostre poulaille par menbrez
& aubins d'eufs cuis durs dessus.
Sourps de porcelet fait comme froide sauge sans metre
nulz eufs & moins de sauge
Conminee de poisson cuit en yaue ou fruit en huile
affinez amandez deffetes du boullon ou de puree ou
d'eaue boullie & en faites lait fetez boullir affinez gin
gembre commin deffait de vin & de verjus metez boullir
avec vostre lait pour maladez y fault du succre dre
ciez sur vostre grain d'anguille
Brouet vert gay d'anguilles escorchiez eschaudeez
metre cuire en vin & en eaue deffait de percil & de saffren
pain ung pou de la verdure deffait du boillon gingembre
deffait de verjus tout boullu emsemble & du fromage
Gravé de loche deffay pain halé de puree de pois passé
parmy l'estamine prenez gingembre canele girofle
graine saffren deffait de vin aigre prenez oignons fris
metez boullir emsemble frisiez vostre loche sans fari
ne dreciez le boullon dessus & qu'elle soit bien
Chaudumet a bacquet rosticiez vostre poisson prenez
gingembre pain et saffran destrempez de puree ou d'eaue
boullie vin et verjus avec boullez ensemble getez
sus vostre grain ung pou de vinaigre soit jaunet
Une soringne eschaudez vos anguillez copez par
tronsons & oignons par rouellez percil esfeulié
metez tout surfrire en huile en ung pot couvert sur
les charbons prenez pain halé trempé en puree de pois
et vin plain metre boullir avec prenez gingembre cane
le girofle grene saffren deffait de verjus boully avec
non pas trop plain liant assavourez de vin aigre.
Brouet saraginois escorchiez anguillez poudrez de
cel frisiez en huille prenez gingembre girofle canele
graine garingal poivre long saffren deffaite de vin
& de verjus faitez boullir ensemble & vos anguillez
avec & ne soit pas trop liant il se lie de ly mesmez
Cyvé d'oittrez eschaudez lavez parboullez puis
les frisiez avec oignons menus prenez pain
halé destrempez de puree ou d'eaue boullie vin & verjus
avec. affinez gingembre canele graine girofle saffren
deffait de vin aigre metez boulir avec les oistrez

[partie coupée]

en huile faitez boulir emsemble affinez gingembre
canelle girofle graine ung pou de saffran deffait
de verjus mettez avec sans trop boulir jaunet liant
non pas trop & la souppe comme devant qui veult
Lait de prouvance boullez lait de vache une onde
puis mis lors dessus le feu quant il sera ung pou froit
fillez des moiaux grant foison passés parmy l'estamine
soit liant sur jaunete couleur pochés dez eufs en
eaue & les metez avec sans boullir brouet vert
Brouet vert d'eufs & de formage & de saffren et
pain trempé deffait de puree ou d'eaue prenez
gingembre deffait de vin metez le formage dedens & les eufs
poichez en eaue soit liant vert gay sans pain qui
veult en metre des amandes qui veult brochet
Brochet ou perche pellee sans farine affinez aman
dez deffait de vin & de verjus le plus coullez faites boi
llir affinez gingembre canelle giroffle graine un pou
saffren deffait de boullon metez boullir du succre avec
Gavé de parche cuite la perche fricte sans farine ou
poison froit comme loche non pas si jaune bien liant
Coulis de poullez cuisiez en eaue tant qu'il soit tout
pourri broiez os & tout deffectez de vostre boullon coullés
metez boullir qui veult poudré de succre par dessus
Eaue rousse de chappon ou de poulle pour malade
mettez en ung pot tout neuf n'y mettez ne yaue
ne autre chose ung pou de saffren qui veult asseés vostre
pot dedens une poelle plaine d'eaue que le pot soit moul
lié qu'il soit couvet que fumee n'en ysse faitez jusques
a ce que le chapon soit cuit donnez l'eaue au malade
Chaudeau flamen metez boullir ung pou d'eaue
prenez moiaux d'eufs batus destrempez de vin blanc fillez
en vostre eaue quant elle aura bien boully & sera un pou
refroidie faitez boullir qui veult du verjus gruyau
Gruyau fait comme forment metez cuire purez
metez boullir avec lait d'amandez & collez coulis
Coulis de perche comme de poullet destrempé de lait
d'amandes             blan
Blanc mengier d'ung chappon pour ung malade
cuisiez en yaue broiez amandez grant foison du broion
du chappon deffaitez de vostre boillon passez parmy
l'estamine faitez boullir tant qu'il soit liant pour
taillier versez en une escuelle fillez demie douzene
d'amandez peleez & les asseez sur la moitié du bout
de vostre escuelle en l'autre moitié des pepins de pom
me de grenade & du sucre    lux
Lux cuis en yaue a sauce vert ou galentine a cameline
Brochet rosti au chaudiumé le froit rosti au cel vin
Barbillons en eaue au poivre aigret les[5] ¶et poudre
rostis au verjus les frois au potaige ou a la jance
Bar a saulce vert                    bar          carpe
Carpe cuit en yaue a la saulce vert ou galentine
Perche cuite en yaue pelee a vin aigre a persin ou en
coulis la frite en potaige gravé              tanchez
Tanchez eschaudeez a la saulce vert les fruitez en
potaige eschaudez & limonez fendés sur lez dos
a fine poudre liez de fil rostir sur le greil moller en
vin aigre coller en rostissant de huille de nois[6] a la came
Bresme cuite en yaue ou rostie a la sauce[7] ¶line
vert & en pasté a poudre d'espicez & au sel
Poulaille cuite en eaue a la saulce vert en rost
au verjus la froide a la jance ou au potaige
Anguillez cuitez en eaue aux ailles vers les sa
lleez a la moustarde en rost aux aillez blans
qui veult comme une lamproie en pasté a la poudre
Cheneveaux cuit en eaue a sauce vert en rost au verjus
Truitez cuitez en eaue a la cameline ou en pasté
au sel menu a pouldre d'espicez qui veult.
Pinperneaulx rostis au verjus vert ou blanc                        loche
Loche cuite en eaue premierement cuire du forma
ge persil qu'il ne soit pas trop lavez eschaudez
bien la loche metez boullir avec le formage et au
dressier du verjus esgrené & des groisellez
Gaymeaux en eaue & oignons a la moutarde.
Lamproions a la saulce chaude comme la lamproie
non pas d'espices au cel menu             ablez
Ablez en eaue a la moustarde               escreissez
Eccrevissez en eaue & en vin mangier au vin aigre
Porc de mer fendu au long par le dos fendu
par leschez comme venoison prenez vin & eaue
de vostre poisson affinez gingembre canelle giroffle
grene poivre long ung pou de saffren & de pain & du
boullon. ne soit pas jaune comme ung blanc mengier
Maquereaulx frais affaitez par l'orelle & rostir sur le
greil. a la cameline en pasté a la poudre
Gournalz rougez affaitez par le ventre lavez me
tez boulir & du cel. a la cameline. ou fendus au
long du dos rostis plungier en verjus souvent
mangier au verjus
Congre eschaudez metez cuire en eaue sallez au
cuns rostissent sus le greil a la saulce vert
Mellus metez tramper en charree trois jours lavez
frisiez en huille sans farine aux aulx
Chien de mer cuit comme rouget & peler. a cameline
Saulmont frais soit boutonnez gardez l'escune
pour le frire du vin & du cel au cuire au poivre jau
net ou a la cameline le sallé cuit en yaue a la cibole
en pasté a la pouldre             mulet
Mullet comme maquereaux    morue
Morue fraiche aparellie comme rouget vin au cuire
a la jance le sallé a la moustarde ou au beure frais
Grapois leschié tout cru. cuit en eaue servir avec
les pois
Egreffin comme rouget le froit a la jansse brete cuire
comme raye affaitie aux aulx camelins
Truite saulmonoise cuite en yaue & vin. a came
line.
Raye appareilliez par le nombryl metre cuire par
piecez mengier froide aux aulx camelins soit
le foie tirié hors qu'il ne cuise trop
Turbot appareilliez comme plais pelé vers le dos
a la saulce vert
Bresme en yaue a cameline ou en pasté a la
poudre
Limonde doit estre cuite comme plais a la saulce
du vin ou au gravé
Doree soit appareillee par la teste puis rostie
au verjus
Alose rostir sus le greil ou en broche. a cameline.
Aspellens en pasté hostez hors friolés en farine
& huille a la jance. ou aulx aulx vers
Esturgon eschaudez fendez par le ventre la teste
coppee en .ii. tronsons les autrez fendus cuire en
vin ou en yaue que le vin passe metre froidir et
mengier a persil et au vin aigre
Perche pellee mise par morceaux metez frire
versez en une nappe et l'estandez bien coullez de
fleur frisiez en huille & oignons avec metez
sus de la poudre aux aulx gravé ou verjus
Hanons eschaudez frisiez en huille & oignons
avec et de la poudre.
Moullez cuitez en vin & aue persil avec. aux aulx
Saulcez non boulluez
Cameline broiez gingembre grant foison de cane
le poivre long halés trempé en vin aigre et
verjus tout coullé ensemble
Aulx camelins broiez canele & pain deffectez de vin
aigre & de verjus broiez avec du foye de raye
Aulx vers broiez pain pecil defaitez de verjus
Aulx a harens frais sans peller & sans couler
Saulce vert grant foison de percil esfeulié sans les
tigez gingenbre pelé du pain blanc sans haler
broiez destrempez de verjus & de vinaigre & collez
Saulce a garder poison pain percil sauge sal
monde gingenbre canelle girofle noys
muguetez poivre long saffren deffait de vin & de
verjus metez sur vostre poisson coullez             saulcez
Poivre jaunet broiez[8]          boulluez
gingembre saffren & girofle qui veult ung
pou de verjus boulir quant vollez drecier
Poivre noir broiez gingembre & poivre. ront pain
brulé deffait de verjus & de vin aigre fetez boulir
Saulce de lait de vache broiez gingenbre moiax
d'eufs destrempés de lait faitez boullir
Sauce de aulx broiez gingembre aulx amandez des
faitez de verjus faitez boullir du vin blanc qui
veult
Une poitevinee broiez gingenbre & graine
pain brulé & vos foyez deffaitez de verjus
faites boullir avec du rost verdissiez sur vostre
rost dreciez par escuellez
Flans tartez en karesme qui ont saveur de
formage prenez eufvez laitancez de lux de carpes
du saffran destrempé de lait d'amandez & de vin blanc
metez du succre & le poisons avec lez letancez sans
lez airestez faitez vos flaons & vos tartez
Pour faire poree de cresson hachiez menu frisiez
en huille boullez tresbien metez du formage avec
qui veult
Explicit
Nomen scriptoris est petrus plenus amoris.
[Signature]
___________
[1] Suit un mot barré (dun)
[2] Suit un a exponctué.
[3] Suit ce mot, la fin du dernier mot de la recette précédente.
[4] Suivent trois lettres exponctuées.
[5] Suivent ici les deux derniers mots de la recette précédente.
[6] Ce mot est écrit mois avec le premier jambage du m exponctué.
[7] Suivent ici les 4 dernières lettres du dernier mot de la recette suivante.
[8] Suit ici le dernier mot de la rubrique précédente.

 

Éditions